Уолтар Грэцкі, бацька найлепшага бамбардзіра ў гісторыі Нацыянальнай хакейнай лігі (НХЛ) Уэйна Грэцкі, памёр ва ўзросце 82 гадоў. Пра гэта спартсмен паведаміў у Twitter.
«З глыбокім сумам паведамляю пра смерць майго бацькі. Апошнія некалькі гадоў ён змагаўся з хваробай Паркінсана і іншымі праблемамі са здароўем, але ніколі не дазваляў хваробе зламаць сябе. Для маёй сястры і трох маіх братоў тата быў капітанам каманды — ён кіраваў і абараняў нашу сям'ю кожны дзень, на кожным этапе дарогі», — напісаў Уэйн Грэцкі.
Уолтар Грэцкі нарадзіўся ў 1938 годзе ў горадзе Кэнінг канадскай правінцыі Антарыё. Яго бацька Цярэнці нарадзіўся на тэрыторыі Гродзенскай губерні і эміграваў з Расійскай імперыі перад Кастрычніцкай рэвалюцыяй. Пісалі, што дзед размаўляў з Уэйнам па-беларуску.
Уолтар Грэцкі гуляў у хакей на юнацкім узроўні, але ў Нацыянальную хакейную лігу (НХЛ) прабіцца не змог. Да выхаду на пенсію ў 1991 годзе ён працаваў устаноўшчыкам і майстрам па рамонце абсталявання ў тэлефоннай кампаніі Bell Canada.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары