БАТЭ звольніў дыктара «Барысаў-Арэны». Раней той выказваўся пра дзеянні сілавікоў
БАТЭ абвясціў аб спыненні супрацоўніцтва з дыктарам «Барысаў-Арэны» Канстанцінам Каверыным, які да гэтага прапрацаваў 7 гадоў у клубе.
«Вядучы папулярнага шоу «Раніца ў вялікім горадзе» на радыё Unistar, адданы фанат футбола Каверын у супрацоўніцтве з менеджментам ФК БАТЭ змог знайсці канцэптуальна новыя падыходы да арганізацыі вядзення матчаў і развіць культуру заўзятарства на трыбунах нашага стадыёна. Разам з Косцем падтрымка трыбун стала зладжанай і яркай… Без ілжывай сціпласці ён быў неад'емнай часткай любога мерапрыемства клуба!
Але прыходзіць момант, калі трэба рухацца далей. Мы аб'яўляем, што з сезона-2021 наша супрацоўніцтва з Канстанцінам Каверыным спыняецца. Ад імя кіраўніцтва, менеджменту і каманды БАТЭ, ад імя ўсіх заўзятараў «жоўта-сініх» дзякуем Канстанціну за яго працу, за адданасць клубу і выдатныя чалавечыя якасці! Зычым моцнага здароўя і поспехаў ва ўсіх пачынаннях!» — гаворыцца ў паведамленні БАТЭ.
Раней Канстанцін негатыўна выказваўся аб дзеяннях сілавікоў у Беларусі пасля выбараў у жніўні 2020 года, адзначае Tut.by.
Пазней сваё звальненне пракаментаваў сам Канстанцін:
«Такім чынам, нашы адносіны з БАТЭ — усё. Па-першае, гэта вельмі балюча. Па-другое, брыдка. Чаму брыдка? Ну, паспрабуйце самі скласці два і два.
Гэта была вельмі вялікая частка майго жыцця. Можа быць, нават занадта вялікая. І зусім дакладна гэта не было проста працай. Працу ж памяняць можна, так?
Вядома, я не змагу перастаць заўзець за гэтую каманду. Люблю вас, хлопцы. Але да чаго ж брыдка, калі б вы толькі ведалі!» — напісаў Каверын.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары