Затрыманую ўчора экс-работніцу МТЗ Улляну Гарбачову аштрафавалі на 50 базавых
Былую супрацоўніцу МТЗ, якую ўчора затрымалі падчас прагулкі з сабакам, сёння аштрафавалі за ўдзел у несанкцыянаваным масавым мерапрыемстве.
Пра гэта «Новаму Часу» паведаміла сама Ульяна Гарбачова.
Яна распавяла пра акалічнасці ўчорашняга затрымання недалёка ад дома:
«Забралі мяне каля 15 гадзін, калі я гуляла на рэчцы з сабакам і сынам. Двое мужчын, якія не прадставіліся, пазвалі мяне і сказалі, што я павінна праехаць з імі у Партызанскае РУУС. Я сказала, што, калі ім трэба — хай выклікаюць мяне позвай. На што мне сказалі, што ў іх новаўвядзенне, і яны павінны самі мяне даставіць», — гаворыць Ульяна Гарбачова.
Яна папрасіла дазволу завесці дадому сабаку і сына. Супрацоўнікі дазволілі, але адзін з іх пайшоў у кватэру разам з Ульянай, а другі падагнаў легкавую машыну.
Ульяну Гарбачову прывезлі ў РУУС, дзе дапыталі і склалі пратакол па артыкуле 24.23 КаАП за ўдзел у несанкцыянаваным масавым мерапрыемстве.
«Пратакол аформілі нібыта за ўдзел у мітынгу, хаця ніякага мітынгу там не было, мы праводзілі беларускі традыцыйны абрад гукання вясны, у мяне не было ніякай сімволікі», — зазначае Ульяна.
Паколькі жанчына выхоўвае непаўналетняе дзіця, увечары яе адпусцілі дадому, абавязаўшы раніцай з'явіцца ў РУУС для суда.
Сёння Ульяна Гарбачова прыйшла ў міліцыю, і там яе судзілі па скайпе. Суд Партызанскага раёна Мінска прызнаў яе вінаватай і прысудзіў 50 базавых велічынь штрафу.
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары