На поўдні Кітая з-за маштабных паводак, выкліканых тайфунам, сотні змей уцяклі са спецыяльных гадавальнікаў. На волі апынуліся як неядавітыя, так і ядавітыя віды, у тым ліку кобры, крайты і зялёныя ямкагаловыя гадзюкі, паведамляе The Guardian.
Асабліва пацярпела змяіная ферма ў горадзе Хэджоў. Паводле паведамленняў мясцовых жыхароў, многія рэптыліі распаўзліся па наваколлі. Адзін з пацярпелых расказаў, што яго ўкусіла кобра, калі ён прыбіраў смецце ў сваім доме.
Мясцовыя медыкі паведамілі, што ўжо аказалі дапамогу некалькім людзям, якія пацярпелі ад укусаў змей.
Паводкі прывялі да прарыву дзвюх плацін у Гуансі, у выніку чаго некалькі населеных пунктаў апынуліся адрэзанымі вадой. Паводле апошніх даных, загінулі як мінімум шэсць чалавек, больш за 50 тысяч былі эвакуяваныя, яшчэ некалькі лічацца зніклымі без вестак.
Улады ўзмацнілі меры бяспекі: павялічылі запасы супрацьяддзя, арганізавалі дадатковыя медыцынскія пункты і распаўсюдзілі рэкамендацыі, як пазбегнуць укусаў змей і што рабіць у выпадку нападу. Кіраўнік Кітая Сі Дзіньпін заклікаў задзейнічаць усе магчымыя рэсурсы для ліквідацыі наступстваў стыхіі і выратавання людзей.
Навукоўцы выпусцілі ў беларускую прыроду першую партыю спецыяльна выгадаваных рэдкіх змей
Гіганцкая змяюка напалохала людзей у Мазыры. Высветлілася, што яе выгульваў 12‑гадовы хлопчык
Кроў мужчыны, якога больш за 200 разоў кусалі змеі, стала асновай для ўніверсальнага супрацьяддзя
Чацвёрты від змей можа з'явіцца ў Беларусі праз змяненне клімату
Індыя хоча выкарыстоўваць змей і кракадзілаў для абароны дзяржаўнай мяжы
Каментары