Расійскі турыст з бычком атрымаў 15 сутак. Ён застанецца на Акрэсціна
Суд Цэнтральнага раёна Мінска прызнаў 18‑гадовага мужчыну вінаватым у дробным хуліганстве і прызначыў яму 15 сутак адміністрацыйнага арышту.
Паводле матэрыялаў справы, увечары 3 ліпеня ў раёне станцыі метро «Няміга» малады чалавек паводзіў сябе дзёрзка і нахабна. На заўвагу мінакоў ён адказваў грубай нецэнзурнай лаянкай, парушаў грамадскі парадак і праяўляў яўную непавагу да агульнапрынятых нормаў паводзін.
Суд прызнаў яго вінаватым паводле арт. 19.1 Кодэкса аб адміністрацыйных правапарушэннях (дробнае хуліганства) і прызначыў адміністрацыйны арышт на 15 сутак.
На судовым пасяджэнні мужчына поўнасцю прызнаў сваю віну.
Раней паведамлялася, што малады чалавек ішоў па мінскай Нямізе з маці. Ён кінуў недакурак якраз туды, дзе камунальшчыкі толькі што прыбралі. Малады музыка Леў Беларусаў зрабіў яму заўвагу — у адказ пачуў агрэсію і расійскія мацюкі.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
Міліцыя затрымала таго самага расійскага турыста, які кінуў недакурак на вуліцы. Заўтра суд
«Людзі працягваюць браніраваць». Што адбываецца з турамі праз Расію пасля ўдару па аўтобусе ў Бранскай вобласці
Каментары
Рэд.бычок
тлумачэнне слова:
4. размоўнае слова Недакурак. Палашка дакурвала бычок і мармытала: — Саломы я яму не палажыла, то на голых драбінах паехаў. Лобан.
[Зрэдагавана]