У Таліне часова спынілі аўтамабільны рух на некалькіх вуліцах, каб не перашкаджаць сезоннай міграцыі жаб, паведамляе РІА Новості са спасылкай на Europulse.
Праз раён Хааберсці сталіцы Эстоніі праходзіць адзін з найбуйнейшых міграцыйных калідораў гэтых земнаводных у краінах Балтыі.
Звычайна добраахвотнікі ратуюць у Эстоніі каля 15 тысяч жаб у год на вуліцах і магістралях у межах Нацыянальнай праграмы «Жабы на дарозе». Сёлета каранавірусныя абмежаванні не далі правесці гэту акцыю.
Цяпер жабы змогуць спакойна скакаць да сваіх штогадовых месцаў размнажэння па перакрытых вуліцах.
Каментары