Кажан-рэкардсмен даляцеў з Брытаніі ў Расію. Але на яго шляху сустрэлася кошка
Маленькі кажан устанавіў рэкорд міграцыі з Англіі, праляцеўшы больш за 2000 км да Расіі — і там загінуў ад кіпцюроў кошкі.
Дзякуючы гэтаму трагічнаму здарэнню рэкардсменку, уласна, і выявілі: самку памерам з вялікі палец і вагой усяго ў 8 грамаў, зраненую кошкай, знайшла жыхарка вёскі Мольгіна пад Псковам Святлана Лапіна, піша Бі-бі-сі.
Натуралісты адвезлі кажаніху ў ветэрынарную клініку, але там падарожніца памерла. На яе крыле выявілі пазнаку «Лонданскі заапарк» і паведамілі аб знаходцы ў брытанскі Фонд аховы кажаноў.
Высветлілася, што гэтая жывёліна была злоўленая і пазначаная ў Лондане ў 2016 годзе натуралістам Браянам Брыгсам.
Такім чынам, па падліках Фонду аховы кажаноў, гэты кажан пераадолеў 2018 км.
«Гэта выдатнае падарожжа, самае далёкае падарожжа з Брытаніі па Еўропе з тых, што нам вядомыя. Гэта дзіўная навуковая знаходка і чарговая дэталь у карціне міграцый кажаноў», — кажа кіраўнік Фонду аховы кажаноў Ліза Уорледж.
Загінулая кажаніха стала рэкардсменкай па міграцыі з Брытаніі на кантынент, але першае месца ў міграцыях па Еўропе наогул належыць іншаму кажану: яго акальцавалі ў Латвіі, а затым у 2019 годзе знайшлі ў Іспаніі, на адлегласці 2224 км.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары