Boeing інвестуе амаль паўмільярда даляраў у беспілотныя лятучыя таксі
Аэракасмічная карпарацыя Boeing збіраецца інвеставаць 450 млн даляраў у прадпрыемства Wisk, якое займаецца распрацоўкай беспілотнага лятучага таксі. У Wisk ужо заявілі, што такая інвестыцыя з боку Boeing зробіць стартап «адной з найбольш добра фінансаваных» кампаній такога тыпу, піша «Коммерсантъ».
Wisk, як і многія іншыя стартапы ў гэтай сферы, працуе над стварэннем электрычнага VTOL — лятучага апарата вертыкальнага ўзлёту і пасадкі, гэта значыць такога, які будзе ўзлятаць і садзіцца як верталёт.
Адрозненне Wisk ад многіх іншых падобных кампаній у тым, што яна хоча распрацаваць беспілотны VTOL.
«На наш погляд, вялікая стратэгічная перавага Wisk у тым, што яна пераходзіць адразу да беспілотнага лятучага апарата, укараняючы прынцыпы гэтага на кожным этапе канструявання і распрацоўкі»,
— лічыць дырэктар па стратэгіі Boeing Марк Ален.
Як піша Reuters, Wisk плануе запусціць сваё лятучае таксі да 2028 года. Рашэнне пабудаваць адразу беспілотны VTOL робіць працэс распрацоўкі больш доўгім: многія канкурэнты кампаніі збіраюцца прадставіць свае лятучыя апараты ўжо да 2024 года.
У той жа час такія таксі ў цэлым ствараюцца не так хутка, як чакалася першапачаткова: у сярэдзіне 2010-х гадоў шматлікія кампаніі абяцалі вывесці на рынак свае лятучыя апараты ўжо да 2020 года.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак5
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары