Фармкампаніі ва ўсім свеце распрацоўваюць назальныя вакцыны супраць кавіду — у форме спрэю. Прышчэпкі ў такім фармаце могуць праявіць сябе лепш за традыцыйныя бустары, бо яны здолеюць спыняць вірус ужо ў дыхальных шляхах.
Вакцыны, якія ўжо існуюць, дазваляюць стварыць моцны і працяглы імунітэт супраць цяжкага цячэння кавіду. Але ж іх абарона ад віруса мае часовы характар і можа зніжацца, калі з’яўляюцца новыя штамы кавіду, піша New York Times.
Назальныя вакцыны могуць лепей абараняць ад інфекцыі ў доўгачасовай перспектыве, бо яны ствараюць абарону менавіта там, дзе ў арганізм пранікае вірус кавіду — на слізістых абалонках дыхальных шляхоў. А вакцынаваць людзей спрэем было б хутчэй, чым прышчапляць іх ін’екцыямі. Трэба час, каб падрыхтаваць усё належнае для ўколаў, і дасведчаны персанал, які б ведаў, як гэтыя ўколы рабіць.
Што да назальных вакцынаў, іх можна ўводзіць людзям, якія цяжка пераносяць балючыя ўколы, напрыклад, малым дзецям. Такія прышчэпкі таксама дазваляюць не траціць грошы на шпрыцы, іголкі і іншыя матэрыялы, патрэбныя для ін’екцый.
У свеце зараз распрацоўваюць больш за дзесяць назальных вакцын. Магчыма, некаторыя з іх хутка будуць ухвалёныя, і першай з такіх прышчэпак можа аказацца індыйскі прэпарат кампаніі Bharat Biotech. У студзені кампанія атрымала права на шырокамаштабныя выпрабаванні вакцыны ў Індыі. Прэпарат разглядаюць як бустарны для тых пацыентаў, хто ўжо атрымаў дзве дозы супрацькавіднай прышчэпкі.
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава6
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4444
Каментары