Атрымалі бустар ад кавіду? Магчыма, больш вакцынавацца вам не трэба будзе
Большасць людзей ва ўсім свеце ўжо прызвычаіліся да вакцынацыі супраць кавіду. Цяпер перад імі стаіць наступнае пытанне: колькі часу павінна прайсці да наступнай дозы прышчэпкі?
Згодна з новымі звесткамі, размова можа ісці не пра месяцы, а пра гады. Трох доз вакцыны (ці нават дзвюх) большасці людзей можа хапіць, каб абараніцца на доўгі час ад цяжкага цячэння хваробы і ад смерці. Чацвёртая доза вакцыны можа дапамагчы людзям, старэйшым за 65 гадоў, ці тым, хто ў групе рызыкі, але для большасці людзей яна можа не быць патрэбнай, піша New York Times.
Дзвюх доз вакцыны можа не хапіць, каб абараніцца ад штама амікрон. Але трэцяя доза вакцын на аснове матрычнай РНК (напрыклад, Pfizer і Moderna) прымушае арганізм вырабляць шмат розных варыянтаў антыцел, якія цяжка пазбегнуць любому штаму кавіду. Усе гэтыя антыцелы, напэўна, здольныя абараніць чалавека ад новых штамаў хваробы, нават калі штам вельмі адрозніваецца ад першапачатковага.
Больш за тое, імунітэт можа запомніць вірус і знішчыць яго праз шмат месяцаў пасля кантакту з ім, а то і праз гады. Справа ў спецыфічных імунных клетках — Т-клетках. У людзей, якія мелі кантакт з вірусам атыповай пнеўманіі ў 2003 годзе, адпаведны Т-клетачны імунітэт да яго існаваў больш за 17 гадоў. Атыповую пнеўманію выклікаў вірус, роднасны кавіду, таму навукоўцы лічаць, што і Т-клетачны імунітэт ад кавіду можа дзейнічаць працяглы час.
Яшчэ адна добрая навіна. Т-клетачны імунітэт, што ўтвараецца ў арганізме дзякуючы любой з чатырох заходніх вакцын супраць кавіду (Pfizer, Moderna, Johnson & Johnson і Novavax), на 80% захоўвае сваю эфектыўнасць у выпадку з амікронам. З улікам таго, што амікрон вельмі адрозніваецца ад мінулых штамаў кавіду, вельмі імваверна, што Т-клеткі дапамогуць нам і ў выпадку з новымі штамамі, калі яны з’явяцца.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары