Прыпыненне дзеяння ліцэнзіі на меддзейнасць «Ладэ» не з'яўляецца экстраардынарным фактам, паведаміў міністр аховы здароўя Дзмітрый Піневіч БЕЛТА.
Дзмітрый Піневіч зазначыў, што цэнтр дапусціў сур'ёзныя парушэнні.
Яны тычыліся, у прыватнасці, невыканання пратаколаў падчас аказання неадкладнай меддапамогі. Гэта работа на абсталяванні, якое не зарэгістраванае або якое не прайшло неабходныя рэгламенты. Выяўленыя парушэнні санэпідрэжыму, якія могуць пацягнуць сур'ёзныя ўскладненні або пагрозу жыццю.
«Пласт парушэнняў быў выяўлены, мы яго прааналізавалі і прынялі рашэнне аб прыпыненні дзеяння ліцэнзіі гэтай кампаніі», — адзначыў ён.
Піневіч сказаў: калі кампанія жадае працягнуць працаваць, яна павінна звярнуцца з інфармацыяй аб устараненні парушэнняў.
Піневіч упэўнены: закрыццё самага буйнога прыватнага медцэнтра краіны — факт не экстраардынарны. «Усе павінны разумець: калі ты аказваеш медыцынскую дапамогу, то павінен аказваць яе якасна, згодна са стандартамі бяспекі», — сказаў ён.
Рашэнне аб прыпыненні ліцэнзій медцэнтраў «Ладэ» і «Клініка А1» было прынятае на пасяджэнні лячэбна-кантрольнай рады Міністэрства аховы здароўя 4 мая.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары