Сёння ў Кіеў прыязджаў прэзідэнт афрыканскай дзяржавы Гвінея-Бісау Умару Сікоку Эмбало. Сама дзяржава невялікая і не вельмі ўплывовая, але візіт быў у пэўнай ступені сімвалічны. На афрыканскім фронце ўкраінская дыпламатыя мае куды менш поспехаў, чым на заходнім, і гэты прэзідэнт быў першым кіраўніком дзяржавы з гэтага кантынента, які наведаў Украіну пасля пачатку расійскай агрэсіі на яе.
Пасля перамоў кіраўнікі дзяржаў далі сумесную прэс-канферэнцыю, і падчас яе высветлілася, што афрыканскі госць прыехаў не проста так, а прывёз у Кіеў «сігналы» ад Крамля, які «хоча навесці масты» і «разблакаваць адносіны». Тым больш што ў Кіеў прэзідэнт Гвінеі-Бісау прыбыў пасля наведвання Масквы.
Аднак місія афрыканскага госця поспеху не мела, бо Зяленскі прагназавана адхіліў магчымасць якіх-небудзь дамоўленасцяў з кіраўніцтвам краіны, якая разбурае ўкраінскія гарады і вёскі, забівае мірных жыхароў, знішчае аб'екты крытычнай інфраструктуры і займаецца ядзерным шантажом.
Гвінея-Бісау — невялічкая краіна на захадзе Афрыкі, былая партугальская калонія. Яе тэрыторыя — 36 120 квадратных кіламетраў (прыблізна як наша Мінская вобласць), а колькасць насельніцтва — крыху большая за паўтара мільёна. Гэта былая партугальская калонія, незалежная з 1973 года. І адна з найбяднейшых краін свету, бо адзінае, з чаго жыве — сельская гаспадарка і рыбалоўства.
Цяпер чытаюць
Іна Кулей: Мілінкевіч перамог смерць, але шлях да поўнага адужання няблізкі4
Каментары