Мэр Кіева Віталь Клічко заклікаў жыхароў запасціся ежай і вадой на выпадак кепскага сцэнара
У інтэрв'ю «РБК-Украіна» Клічко пракаментаваў свае словы пра магчымую эвакуацыю жыхароў Кіева ў прыгарады.
«Мы павінны быць гатовыя да розных сцэнароў, у тым ліку і да кепскіх. На гэты выпадак кожны з нас мае алгарытм дзеянняў, нават у выпадку эвакуацыі. Я не выключаю найгоршы сцэнар. Поўнай эвакуацыі не будзе — можа быць, частковая, але гэта нельга назваць эвакуацыяй. Гэта часовы пераезд людзей асобных катэгорый у прыгарад <…>
Па інфармацыі вайскоўцаў, вораг плануе і далей наносіць удары па інфраструктуры краіны, каб запалохаць украінцаў цемрай і холадам.
Таму просьба мець дома запас тэхнічнай і пітной вады, запасы ежы, якую можна прыгатаваць або спажываць без электраэнергіі, цёплае адзенне, зараджаныя ноўтбукі і паўэрбанкі, запампуйце афлайн-карты на свае тэлефоны.
І ў выпадку дрэннага сцэнара было б добра, калі б кожны меў магчымасць або з'ехаць у свой дом у прыгарадзе, дзе ёсць вада, печ, або з'ехаць да сваіх знаёмых. Але мы робім усё для таго, каб горшага не адбылося».
Цяпер чытаюць
Наталля Пяткевіч стала віцэ-прэм'ерам, а Каранік узначаліў Акадэмію навук15
Каментары