Сціплы звонку, царскі ўсярэдзіне. Пад Мінскам прадаюць катэдж з сюрпрызам
У вёсцы Вялікі Трасцянец, прылеглай да ўсходняй часткі Мінска, выставілі на продаж дом, які нагадвае хутчэй загарадную сядзібу ці палац. Звонку ён здаецца звычайным, а вось усярэдзіне чакае сапраўдная раскоша, піша «Анлайнер».
Пабудаваны катэдж у далёкім 2007 годзе з газасілікатных блокаў з уцяпленнем. Перакрыцці ў ім — жалезабетонныя, дах пакрыты мяккай чарапіцай. Звонку будынак выглядаў бы цалкам звычайным, калі б не беласнежная лесвіца са скульптурамі львоў і ліхтарнымі слупамі ў выглядзе жаночых фігур. Яна як быццам намякае, што ўсярэдзіне будзе нешта цікавае.
Агульная плошча дома — 377 «квадратаў». Складаецца ён з трох узроўняў. На першым паверсе — прасторная кухня-сталовая, гасцёўня са столямі вышынёй 3,28 метра, упрыгожаная калонамі, пазалочанымі буфетамі, скульптурамі і аксамітнымі крэсламі. Разынкай прасторы можна назваць вялікія вокны ад падлогі да столі — у сучасных каркасніках панарамнае шкленне ўжо не рэдкасць, але ў 2000-х падобныя архітэктурныя рашэнні выкарыстоўваліся не так часта.
На другім паверсе знаходзяцца чатыры жылыя пакоі і санвузел. Інтэр'ер тут сціплейшы і нагадвае стыль пачатку 2000-х: столі з гіпсакартону і характэрная мэбля таго часу.
На цокальным паверсе размясціліся другая кухня, пральня, кладоўка, кацельня і яшчэ адзін санвузел.
Разынка дома — адкрыты паўкруглы балкон, які быццам створаны для вячэрніх серэнад. Праўда, у цяперашнія часы варта разлічваць хіба што на ранішнюю каву з відам на туі і акультураны ўчастак.
Усе камунікацыі на месцы: газавае ацяпленне, цэнтральнае водазабеспячэнне, мясцовая каналізацыя.
Прадаецца такі аб'ект за $270 000 па курсе. У пераліку атрымліваецца ўсяго толькі $716 за «квадрат». Цяпер падобную цану можна сустрэць хіба што толькі ў дамах для чаргавікоў.
Цяпер чытаюць
Каханак Анжалікі Мельнікавай — агент беларускіх спецслужбаў з пашпартам прыкрыцця4
Каментары
А то заўжды ванітуе ад царскіх інтэр'ераў.
Ім страшна .
Спаць ня могуць . Ау́ра сьмерці .