Падазраваны ў нападзе з нажом у Білефельдзе, 35-гадовы сірыйскі грамадзянін Махмуд Мхемед, быў затрыманы дзякуючы нечаканаму следу — ён сам выдаў сябе, калі папрасіў мінака на вакзале ў Эсэне адкрыць дадатак Deutsche Bahn, піша Bild.
Ён шукаў маршрут да горада Фельберт — і гэты факт насцярожыў мінака, які пазней паведаміў пра інцыдэнт у паліцыю.
Мхемеда падазраюць у тым, што ў ноч з 17 на 18 мая ён напаў з нажом на наведвальнікаў бара ў Білефельдзе. Пацярпелі пяць чалавек, чацвёра з іх знаходзяцца ў цяжкім стане. Пасля нападу Мхемед дабраўся цягнікамі да Эсэна, адкуль, верагодна, працягнуў шлях на аўтобусах.
У панядзелак, 19 мая, спецназ затрымаў падазраванага ў пустуючай кватэры ў горадзе Фельберт пад Дзюсельдорфам.
Падчас затрымання Мхемед з дапамогай Google Translate выказаў сімпатыі да тэрарыстычнай групоўкі ІДІЛ. Пасля гэтага ён спыніў размовы з праваахоўнікамі.
Федэральная пракуратура распачала расследаванне па падазрэнні ў рэлігійна матываваным тэрарыстычным акце. У кватэры Мхемеда знайшлі запіску з прыкметамі ісламісцкіх поглядаў, а таксама блакнот з тэлефоннымі нумарамі радыкальных экстрэмістаў, якія ўжо траплялі ў поле зроку паліцыі.
Федэральная пракуратура распачала расследаванне па падазрэнні ў рэлігійна матываваным тэрарыстычным акце. У кватэры Мхемеда знайшлі запіску з прыкметамі ісламісцкіх поглядаў, а таксама блакнот з тэлефоннымі нумарамі радыкальных экстрэмістаў, якія ўжо траплялі ў поле зроку паліцыі.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі29
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары
Ці разумееце, што выглядаеце як кананічны хэйтар? Лагічныя сувязі не будуеце, маеце толькі асацыятыўныя, блізкія да рэфлектарных. "Мігрант" - рэакцыя, мой камент - таксама рэакцыя (бо ўсяго толькі не пераканалі мяне калісьці па нейкаму пытанню).
І калі так, ці ёсць хоць нейкая розніца паміж Вамі і, напрыклад, героем артыкула - таксама машына, якая не жадае думаць, і запраграмаваная на прасцейшыя рэакцыі нянавісці?