Паведамляецца, што акцёра не стала яшчэ ў пятніцу 9 снежня.
Ва ўзросце 48 гадоў памёр беларускі і расійскі акцёр Сяргей Зыгмантовіч. Паводле папярэдняй інфармацыі, акцёра не стала ў пятніцу, 9 снежня 2022 года, аб прычынах смерці пакуль нічога не вядома, паведамляе «Камсамолка».
Сяргей Зыгмантовіч нарадзіўся ў 1974 годзе, у 1999 годзе атрымаў дыплом Беларускага дзяржуніверсітэта культуры і мастацтваў, служыў у Новым драматычным тэатры Мінска, а таксама ў тэатры «Дзе я?».
Упершыню на экране Сяргей Зыгмантовіч з'явіўся ў 1999 годзе: дэбютам стала эпізадычная, але яркая роля ў першым сезоне тэлесерыяла «Каменская». У розны час акцёр зняўся яшчэ ў трох сезонах «Каменскай»: гэта былі эпізоды і роля аператыўніка.
Агулам у фільмаграфіі артыста каля 40 роляў: «Паскораная дапамога», «У чэрвені 41-га», «Курсанты», «Адналюбы». Быў у Сяргея Зыгмантовіча і досвед прадзюсарскай працы: з 2016 па 2020 гады ён прадзюсаваў папулярны тэлесерыял «Мухтар. Новы след».
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў77
Каментары