Лукашэнка: Ідзе чэмпіянат свету. Нешта я там не заўважыў нашых футбалістаў
Сёння Лукашэнка заслухаў даклад аб асобных пытаннях развіцця спорту. На даклад былі запрошаны міністр спорту і турызму Сяргей Кавальчук, намеснік кіраўніка Адміністрацыі Ігар Луцкі, віцэ-прэм'ер Ігар Петрышэнка, прэзідэнт Нацыянальнага алімпійскага камітэта Віктар Лукашэнка.
«Ідзе чэмпіянат свету. Я нешта, Сяргей Міхайлавіч (Кавальчук), не заўважыў там нашых футбалістаў. Ці я проста дрэнна назіраю за чэмпіянатам свету? — іранічна выказаўся Лукашэнка. — Там і блізка няма. Больш за тое, я параўноўваю гульню нашых футбалістаў з тым футболам, які сёння паказваюць там спартсмены. І прытым яны паказваюць гэтыя вынікі ў зімовы перыяд часу. І, як былы футбаліст, які займаўся шмат футболам, — мне проста страшна становіцца».
Беларуская зборная ў адборы да чэмппіянату заняла апошняе месца ў групе, атрымаўшы толькі адну перамогу.
Таксама Лукашэнка сёння звярнуў увагу на вынікі футбольнага мінскага «Дынама», якое ў гэтым сезоне заняла 4-е месца.
«Якія медалі ўзяло ў гэтым годзе? Ніякія, драўляныя. Так драўляныя намалюю я вам без грошай. А вы адказваеце за гэтую каманду. Я вам даручыў: займіцеся, і я вам даў грошы», — заўважыў ён.
Выказаўся ён і пра санкцыі, заявіўшы, што яны зусім не перашкода.
«Санкцыі вызначаюць (развіццё спорту) толькі ў лепшы бок. Ціск на спартсмена — ён паказвае лепшы вынік, калі ў яго ёсць характар».
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары
--
То-то я смотрю: Северная Корея все пъедесталы занимает. ))) Клоун шкловский.