Чарговая аблава, цяпер у Жлобіне: затрымалі не менш за пяць чалавек
Рэпрэсіі супраць праціўнікаў самадзяржаўя не спыняюцца.
Сёння на праўладных каналах выйшла відэа з затрыманымі, гэтым разам — са Жлобіна. Затрыманыя (на фота злева направа і зверху ўніз): Марына Ляхновіч, Таццяна Дземчанка, Вадзім Кір'янаў, Настасся Татарынава і Кірыл Камароў.
Прынамсі аднаго з іх ужо затрымлівалі па адміністрацыйных «пратэсных» справах — менавіта ягонае брутальнае затрыманне бачнае на відэа. Нягледзячы на тое, што хлопец не аказвае аніякага супраціву, на яго навальваюцца тры чалавекі і кладуць тварам у снег. Пасля гэтага яны ж валакуць яго ў аддзяленне міліцыі.
Затрыманыя (прынамсі, частка з іх), мяркуючы па ўсім, знаёмыя між сабой. Сілавікі абвінавачваюць людзей у тым, што яны ўдзельнічалі ў пратэстах у Жлобіне ў жніўні 2020 года.
Звычайна агульная колькасць затрыманых у раёнах нашмат большая за колькасць імён, вядомых напачатку.
«Наша Нiва» — бастыён беларушчыны
ПАДТРЫМАЦЬ-
Саладуха распавёў, чаму пагадзіўся «круціць гусь» у хайповай рэкламе казіно
-
Хто быў першым намінантам на Нобелеўскую прэмію з Беларусі і што пра кандыдатаў-суайчыннікаў вядома з рассакрэчаных архіваў
-
Суддзю Брысіну, якая прысудзіла Паўлу Белавусу 13 гадоў калоніі, адправілі на пенсію і выдалі знак «За адданасць правасуддзю»
Каментары