Энцыклапедычны артыкул «Наша Ніва» існуе прынамсі на васьмі мовах. У чым іх адрозненні? Што карыстальнікі інтэрнэту ў розных краінах могуць даведацца пра газету?
Энцыклапедычны артыкул «Наша Ніва» існуе прынамсі на васьмі мовах. У чым іх адрозненні? Што карыстальнікі інтэрнэту ў розных краінах могуць даведацца пра газету?
Беларусь
Як вядома, у Беларусі існуюць дзве версіі «Вікіпедыі» – на тарашкевіцы і наркамаўцы.
Тарашкевіца – Наша Ніва
Самы вялікі і змястоўны матэрыял. Нават з ілюстацыямі.
«Наша Ніва» пазіцыянуецца тут як «беларуская лібэральна-кансерватыўная газета, найстарэйшая беларускамоўная газэта».Асобны раздзел прысвечаны супрацьстанню з уладай у апошнія гады. Узгадваюцца нават флэшмобы ў падтрымку газеты. Інфармацыя акутальная, бачна, што артыкул пастаянна абнаўляецца.
Наркамаўка – Наша Ніва (1991)
Гэтая версія «Вікіпедыі» не звязвае цяперашнюю газету з той, што выходзіла на пачатку стагоддзя ў Вільні. У разуменні аўтараў, «Наша Ніва» — «трэцяя газета з той самай назвай». Паколькі «газета пазіцыянуе сябе ў якасці элітарнага выдання», вызначаецца і аўдыторыя чытачоў — «людзі з вышэйшай адукацыяй ды студэнты».
Расія – Наша Нива (1991)
Аўтары расійскага артыкулы ўзялі за аснову матэрыял на наркамаўцы, але дадалі і свайго разумення жаданага і рэальнага.
«Нашу Ніву» прылічваюць да «штотыднёвай грамадска-палітычнай газеты дэмакратычнага кірунку» і заўважаюць, што «газета ніколі не карысталася высокай папулярнасцю».
Украіна – Наша Ніва (1991)
Украінскі артыкул найбольш захоплены:
«Для беларускай прэсы гэта ўнікальная з'ява, бо «Наша Ніва» заўсёды была выданнем грамадскім і ніколі — дзяржаўным. За ўвесь час існавання на яе старонках прапаноўваліся і абмяркоўваліся культурныя мадэлі, якія дапамаглі беларусам у развіцці сучаснай нацыі.
«Наша Ніва» — гэта культурны сімвал і жывая традыцыя.Яна і сёння, як і сто гадоў таму, з'яўляецца увасабленнем беларускага незалежнага грамадзтва, якое змагаецца за свае палітычныя і культурныя правы».
ЗША, Вялікабрытанія – Nasha Niva
Англійскі артыкул мае звесткі пра гісторыю выдання, пра судовы пераслед газеты ў найноўшы час і праблемы з распаўсюдам. Энцыклапедыя інфармуе пра цяперашні наклад больш за 6000 асобнікаў, але не ўказвае, што газета вярнулася ў шапікі.
Германія – Nascha_Niwa
Грунтоўны артыкул расказвае пра гісторыю газеты ў публіцыстычнай форме, зазнаючы, што
«ў цяперашні час гэта адзіная зарэгістраваная ў Беларусі газета, якая выкарыстоўвае правілы класічнай беларускай арфаграфіі».Немцы перакананыя, што «гэта палітычнае пытанне, бо беларуская мова лічыцца апазіцыйнай».
Францыя – Nacha_Niva
Французы каротка апісваюць гісторыю газеты, а пра сучаснасць пішуць:
«З прыходам да ўлады Лукашэнкі ў 1996 годзе, многія апазіцыйныя беларускія газеты знаходзяцца пад ціскам. З 2005 года «Наша ніва» больш не распаўсюджваецца дзяржавай і з'яўляецца адной з апошніх газет на беларускай мове».
Польшча – Nasza_Niwa
Польская версія Вікіпедыі абмяжоўваецца трыма радкамі наконт гісторыі выдання.
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары