Праўладны саюз журналістаў раздаў узнагароды.
Прапагандыст Андрэй Мукавозчык, які вядзе калонку ў газеце Адміністрацыі Лукашэнкі «СБ — Беларусь сегодня», зноў атрымаў узнагароду «Залатое пяро» — яе ўручае праўладны Саюз журналістаў.
Былога кіраўніка беларускага КВЗ узнагародзілі за «найлепшую работу ў мастацка-публіцыстычных жанрах», разам з ім прэмію атрымала яго калега па «СБ» Ірына Аўсеп'ян.
Мукавозчык да гэтага атрымліваў «Залатое пяро» як мінімум двойчы — у 2017-м, калі ён яшчэ не набыў сумную славу аднаго з самых адыёзных прапагандыстаў, і ў 2020-м.
У цэлым, большасць узнагарод традыцыйна сабралі прапагандысты з Выдавецкага дома «Беларусь сегодня». Напрыклад, «Залатыя пёры» атрымалі Дзмітрый Крат і Юрый Церах — яны ўзнагароджаныя за рубрыку «Нейракомікс». Гэта коміксы, у якіх звычайна ўтрымліваюцца сюжэты з абразай на адрас беларускага дэмакратычнага руху, Украіны і заходніх палітыкаў.
Узнагароду за «грамадзянскую пазіцыю журналіста» атрымаў галоўны рэдактар «Сельской газеты» Сяргей Міховіч — у загалоўках практычна кожнага матэрыялу гэтага аўтара згадваецца Лукашэнка.
За «распрацоўку актуальных праблем грамадска-палітычнага жыцця» «Залатое пяро» атрымаў яшчэ адзін аўтар «СБ» Раман Рудзь. Сярод «актуальных праблем», якія ён вывучае — «заняпад аховы здароўя і адукацыі на Захадзе», карупцыя ў Польшчы і «ваяўнічасць Чэхіі».
«Страшна тое, што яны робяць у рамках Саюзнай дзяржавы». Супраць Бондаравай і яе каманды выступіў нават Мукавозчык
Мукавозчык: Калі ГУБАЗіК затрымае мяне за падпіску на Матольку, абсалютна будзе мець рацыю
Мукавозчык: Пагоню пара ў іх забіраць, яна павінна быць наша
Мукавозчык узначаліў секцыю публіцыстыкі Саюза пісьменнікаў
Комік Танковіч — пра Мукавозчыка, Галыгіна і працу ў NEXTA
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары