«Звычайныя грамадзяне: ад педагогаў да цэлых рэдакцый газет». Мінпрацы падвяло вынікі акцыі, якой збіраецца ўразіць ААН
Міністэрства працы і сацыяльнай абароны падвяло вынікі запушчанай ім акцыі ў падтрымку беларускіх паралімпійцаў пад назвай «Не падвойным стандартам Канвенцыі аб правах інвалідаў». Чыноўнікі ганарацца тым, што ім за месяц удалося сабраць усяго паўсотню праўладных ролікаў.
Акцыю запусцілі пасля таго, як Міжнародны паралімпійскі камітэт за суагрэсію супраць Украіны прыпыніў членства Беларусі ў арганізацыі і спартсмены з інваліднасцю страцілі магчымасць выступаць на міжнародных турнірах.
«Неабыякавым грамадзянам» прапанавалі выказаць сваё абурэнне гэтым рашэннем. Усе ахвотныя маглі запісаць відэазвароты і адправіць спасылку на іх у Мінпрацы і сацабароны.
З 23 лістапада, як сцвярджаецца, чыноўнікі з усёй краіны атрымалі больш за 50 сюжэтаў. Зробленая з гэтага выснова, што «беларусы не згодныя з рашэннем Міжнароднага паралімпійскага камітэта», паказала, па словах міністаркі Ірыны Касцевіч, «як моцна нашы людзі гуртуюцца ў цяжкія моманты, дэманструюць сваю гатоўнасць дапамагчы адстаяць праўду».
Найбольш каштоўна, на думку міністаркі, тут тое, што ў акцыі прынялі ўдзел «звычайныя грамадзяне: ад педагогаў да цэлых рэдакцый газет».
Сабраныя відэасюжэты збіраюцца накіраваць у Камітэт ААН па правах інвалідаў, а таксама іншым міжнародным арганізацыям, якія займаюцца правамі чалавека.
Варта адзначыць, што лукашэнкаўскія суды, выносячы палітычна матываваныя прысуды, зусім не бяруць пад увагу ні стан здароўя чалавека, ні наяўнасць у яго інваліднасці. У турмах і калоніях такія людзі таксама часта не маюць ніякіх паслабленняў, з іх нярэдка толькі яшчэ больш здзекуюцца. А пратэсты і просьбы з боку тых самых арганізацый, да якіх лукашысты самі цяпер апелююць, звычайна цынічна ігнаруюцца.
-
Лукашэнка: Час вяртацца да практыкі, калі Беларусь адказвала за Калінінград, Піцер, Маскоўскую вобласць, часткова Маскву
-
«Еўрапейцы зусім не абавязаныя ісці за амерыканцамі». Прадстаўнік прэзідэнта Польшчы пракаментаваў зварот групы беларускіх палітвязняў да лідараў краін Еўропы
-
Лукашэнка расказаў, на каго з расіян падобныя беларусы
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Каментары
І не мае ніякага адрознення: ці гэта паралімпіец, ці прыкарытнік без аніякіх фізычных абмежаванняў!