У Венецыі шукаюць «ідыёта», які скочыў з трохпавярховіка проста ў канал
У Венецыі мужчына наўмысна саскочыў з трохпавярховага будынка наўпрост у адзін з каналаў горада. Цяпер відэа з яго ўчынкам стала вірусным, а самога хлопца шукае паліцыя.
Мясцовыя ўлады Венецыі актыўна шукаюць мужчыну, які вырашыў на камеру саскочыць з даху аднаго з будынкаў у канал горада. Пра гэта 25 сакавіка паведаміла агенцтва CNN са спасылкай на сацсеткі мэра Венецыі.
Мэр Венецыі Луіджы Бругнара ў сваім твітары назваў хлопца «ідыётам» і напісаў, што выдаў бы яму «пасведчанне аб дурасці і даў бы пару разоў пад зад». Паводле яго слоў, да будынка была накіравана паліцыя, каб высветліць, як мужчына змог пракрасціся ў прыватны жылы комплекс і трапіць на дах.
A questo “soggetto” bisognerebbe dargli un certificato di STUPIDITÀ e un bel sacco di pedate … stiamo cercando di identificarlo, per denunciarlo, Lui e il suo compare sotto che faceva il video cretino per i social .. pic.twitter.com/lrzaIzy516
Бругнара таксама заклікаў усіх, хто бачыў відэа, дапамагчы ідэнтыфікаваць гэтага чалавека. Ён пры гэтым дадаў, што арыштаваць плануецца не толькі скакуна, але і таго, хто здымаў яго скачок на камеру.
«Мы спрабуем ідэнтыфікаваць мужчыну і яго прыяцеля, які зрабіў дурное відэа для сацыяльных сетак дзеля лайкаў. Адзін рызыкаваў сваім жыццём у гэтым скачку, але другі таксама правапарушальнік. Яны не разумеюць, якую небяспеку ствараюць у гэтым горадзе? Што, калі б унізе праплывала лодка?» — абурыўся мэр Венецыі.
У Венецыі досыць строга ставяцца да купання ў гарадскіх каналах. Летась за гэта там было арыштавана больш за 40 турыстаў (некаторыя з іх плавалі аголеныя). А аднаго мужчыну, напрыклад, арыштавалі за сёрфінг у Гранд-канале, піша CNN.
Штраф за плаванне ў каналах звычайна складае 500 еўра (каля 1550 рублёў).
Цікава адзначыць, што самі каналы ў Венецыі аднойчы амаль цалкам перасохлі, пра што мы ўжо пісалі раней.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні3
Каментары
жалко ж все-таки дурачков)