Караеў патлумачыў, чаму «балота» лепшае, чым тое, чаго хацелі беларусы ў 2020-м
Памочнік Лукашэнкі, інспектар па Гродзенскай вобласці Юрый Караеў у інтэрвʼю АНТ заявіў, што больш бяспечнай краіны, чым Беларусь, няма, заклікаў усіх да пільнасці, а таксама дадаў, што «нашы людзі пасля 2020 года паціху, павольна, але разабраліся».
«Нашы людзі пасля 2020 года паціху, павольна, але разабраліся, што магло быць, дзе і на чыім баку праўда.
Яны выдатна разумеюць, што такое выбар спакойнага, бяспечнага жыцця, калі на шалях ляжыць сумнеўны нейкі там рывок наперад з тэхналогіямі, як абяцалі нашы апаненты на выбарах 2020 года (яны нібыта выбіраюць нейкае паскоранае развіццё, а мы ўсе тут састарэлі і «за стабільнае балота», як яны любілі казаць), — сказаў Караеў.
Ён лічыць, што «людзі разабраліся, што галоўнае пасля ежы — гэта спакой, бяспечнае жыццё. Адсюль усе вытворныя: спакойна гадаваць сваіх дзяцей, глядзець, якая іх паспяховасць у школе, каб яны не дурэлі, каб дома быў дастатак».
Аператыўная абстаноўка дыктуе меры засцярогі, меры бяспекі, гаворыць Караеў.
«Наогул па настроі жыхары нашага заходняга фарпоста — Гродзенскай вобласці — добрапрыстойныя, спакойныя, усе разумныя людзі, якія падтрымліваюць палітыку дзяржавы, курс прэзідэнта. І ўдзячныя яму за тое, што над намі мірнае неба, мы не баімся пакуль лятучых HIMARS.
І выйсці на вуліцу ў парк — пра гэта ў нас увогуле размоў няма. У нас хуліганы такія, што яны нікога не чапаюць, яны паміж сабой там мацюкамі лаюцца. Я не памятаю ўжо вулічных рабаванняў. У нас чуць што, адразу міліцыя, унутраныя войскі на месцы, і камеры ўжо ўсюды», — запэўніў ён.
Караеў мяркуе, што больш бяспечнай краіны няма. «Але нам самім крыху так з пільнасцю і назіральнасцю падцягнуцца трэба, тады ў тэрарыстаў і дыверсантаў усіх масцей шанцаў не будзе», — лічыць ён.
«Хачу заклікаць усіх да пільнасці, каб былі напагатове, глядзелі, што за людзі вакол ходзяць, што фатаграфуюць, якія прадметы пакідаюць, якія неадэкватныя дзеянні робяць», — заявіў Юрый Караеў.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы5
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары
Ага. То есть милиция не справляется. Нужны ещё ВОЙСКА его величества? А с кем воюем?
Многое повидала на своем веку любимая Гродненщина, но чтобы вот такое вот существо... Ему даже слова трудно связывать в предложения без матов.