Тэлеграм-канал «Спадчына», прысвечаны пытанням захавання і аднаўлення архітэктурнай і гісторыка-культурнай спадчыны Беларусі, вяртаецца да былой актыўнасці. У месенджары з 10 красавіка апублікавана ўжо з дзясятак пастоў, што сведчыць пра паўнавартаснае вяртанне медыя, заўважыў Reform.by.
У сацсетках вядоўцы тэлеграм-канала Уладзіслава Чаховіча з’явілася паведамленне пра яго пераезд у Літву. Блогер і архітэктар, рэдактар беларускай «Вікіпедыі» пазначыў, што цяпер ён жыве ў Вільні.
Сёння, калі блогер у бяспецы, «Спадчына» пачынае новы дазор.
У канцы мінулага года Уладзіслаў Чаховіч быў затрыманы і асуджаны да 13 сутак адміністрацыйнага пакарання за рэпосты з «экстрэмісцкіх рэсурсаў». Яго затрымалі ў снежні 2022 года. Пасля вызвалення актывіста ў 2023 годзе праца тэлеграм-канала, які вёў Чаховіч, была пастаўлена на паўзу.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне7
Каментары