Алексіевіч, Лоу, Камбербэтч, Памук, Роўлінг і яшчэ больш за 130 акцёраў, пісьменнікаў і журналістаў запатрабавалі вызвалення Навальнага
Больш за 130 акцёраў, пісьменьнікаў, грамадскіх дзеячаў і журналістаў напісалі адкрыты ліст Пуціну, у якім запатрабавалі вызвалення Аляксея Навальнага. Сярод падпісантаў ліста — пісьменнікі Святлана Алексіевіч, Архан Памук, Маргарэт Этвуд, Джоан Роўлінг, акцёры Джуд Лоу, Бенедыкт Камбербэтч, Дэвід Духоўны, танцоўшчык Міхаіл Барышнікаў, спявак Том Ёрк і многія іншыя. «Дождж» публікуе тэкст гэтага ліста (поўны спіс падпісантаў можна паглядзець тут).
«Прэзідэнту Пуціну
Мы пішам, і вам гэта добра вядома, што Аляксей Навальны ўтрымліваецца ў ВК-6, адной з самых суровых калоній у вашай краіне. Яго пастаянна змяшчаюць у адзіночнае зняволенне і адпраўляюць у бетонную камеру памерам з сабачую будку без вентыляцыі.
Яму забароненыя спатканні са сваякамі і тэлефонныя званкі, як і сустрэчы з адвакатамі. Нягледзячы на высокую тэмпературу, ён вымушаны стаяць увесь дзень.
Мы далучаемся да галасоў 600 расійскіх дактароў, якія запатрабавалі тэрміновай і незалежнай медыцынскай дапамогі для Навальнага. Яшчэ 100 расійскіх юрыстаў і 100 дэпутатаў таксама запатрабавалі спыніць катаванні над Навальным і даць яму медыцынскую дапамогу.
Навальны адбывае турэмнае зняволенне па абвінавачваннях, якія ніколі не былі б прынятыя ніводнай незалежнай прававой сістэмай.
Мы падтрымліваем заклік урада Германіі, уладаў ЗША і Еўрасаюза з патрабаваннем яго неадкладнага вызвалення. Гэта ў вашай уладзе», — гаворыцца ў лісце.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары