БРСМ запусціў флэшмоб з праслаўленнем чырвона-зялёнай сімволікі. Моладзь умяшалася — і флэшмоб пайшоў не туды
БРСМ, які існуе для імітацыі падтрымкі рэжыму Лукашэнкі моладдзю, днямі запусціў флэшмоб у сацсетках пад тэгамі #ганарусяроднымісімваламі, #мойсцяг, #знаюсвойфлаг, #роднаероднае. Яны прапануюць размалёўваць твар у колеры чырвона-зялёнага сцяга. Але што з гэтага атрымалася?
«Прапануем вам пачынаць свой дзень з дзяржаўнага гімна», — адна з прапаноў у рамках флэшмобу БРСМ да Дня дзяржаўнага сцяга, дзяржаўнага герба і дзяржаўнага гімна, які Лукашэнка ўвёў у другую нядзелю мая.
Таксама пад тэгамі #ганарусяроднымісімваламі, #мойсцяг, #знаюсвойфлаг, #роднаероднае прапануецца публікаваць у сацсетках свой размаляваны ў афіцыйны чырвона-зялёны сцяг твар і вывешваць гэтыя сцягі з вокнаў.
Да ўдзелу ў акцыі змушаюць перадусім бюджэтнікаў, школьнікаў і студэнтаў.
Пад тэгам #ганарусяроднымісімваламі набралася ўжо больш за 500 публікацый.
Звычайна флэшмобы БРСМ застаюцца незаўважанымі ў сацыяльных сетках, але не ў гэты раз.
Моладзевыя незалежныя ініцыятывы РАДА і ЗБС, якія вымушана аказаліся за мяжой, прапанавалі маладым людзям далучацца да акцыі пад бела-чырвона-белым сцягам.
«#ганарусяроднымiсімваламi, але за іх забіваюць у маёй краіне, #знаюсвойфлаг і ён не штучна створаны з савецкага, а мае гісторыю, #мойфлаг — гэта бчб-сцяг, #мойгерб — гэта «Пагоня», #myflag is the flag I am fighting for, #Беларусь будзе вольнай, #БРСМ займіцеся ўжо чым нармальным, ну ей богу», — напісала беларуска-эмігрантка Аліна Харысава ў інстаграме, суправадзіўшы допіс фота з нацыянальным бела-чырвона-белым сцягам.
Цяпер стужка флэшмобу выглядае так:
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары
Тыя хто сфоткаўся з КЗ - вам гэта прысуд на ўсе жыцце, ніколі не адмыецеся!
Нікуды не возьмуць, усюль будуць вам ў твар тыкаць гэтымі фота!
І што вы скажаце? "калі б я не сфоткаўся з КЗ мяне б выгналі са школы ці растрэлялі"?) смешна. Гэта будзе помнік вашай трусасці і немагчымасці сказаць "НЕ!" сцервам з начосамі (гэтак званым "вучыцельніцам")
Кіраваць нічым не зможаце, у палітыку - не, нармальныя фірмы не возьмуць на працу