У нямецкім Аахене праходзіць цырымонія ўручэння прэміі імя Карла Вялікага, якую ў гэтым годзе атрымаў прэзідэнт Украіны Уладзімір Зяленскі.
Сярод прысутных была і Святлана Ціханоўская. Палітыкі паціснулі рукі, перадае прэс-служба Ціханоўскай.
На цырымоніі таксама прысутнічаюць канцлер ФРГ Олаф Шольц, старшыня Еўракамісіі Урсула фон дэр Ляен.
Разам з Ціханоўскай ад Беларусі прыехалі Таццяна Хоміч (сястра Марыі Калеснікавай) і Вераніка Цапкала як лаўрэаты прэміі мінулага года.
Міжнародная прэмія імя Карла Вялікага — адна з найбольш значных еўрапейскіх узнагарод, яна ўручаецца з 1950 года людзям і арганізацыям за іх вядучую ролю ў аб'яднанні Еўропы. У 2019 годзе прэміяй быў ганараваны генеральны сакратар ААН Антоніу Гутэрыш, за год да гэтага — прэзідэнт Францыі Эманюэль Макрон, у 2017-м узнагароду атрымаў брытанскі гісторык Гартан Эш, а ў 2016-м — Папа Францішак.
У розныя гады гэтай прэміяй у ліку іншых ганараваліся кароль Іспаніі Хуан Карлас I, Папа Ян Павел II, былы вярхоўны прадстаўнік ЕС па знешняй палітыцы і бяспецы Хаўер Салана, былая канцлерка ФРГ Ангела Меркель і старшыня Еўрапейскай рады Херман Ван Ромпей.
Учора Зяленскі выказваўся адносна Беларусі: «Нягледзячы на прапаганду, беларусы змагаюцца. 70% беларусаў супраць Расіі». Рыторыка ўкраінскіх улад яўна змяняецца.
Байпол назваў імёны магчымых забойцаў Андрэя Зельцэра. І заявіў, што сілавіка «Нірвану застрэліў свой жа3
Каментары