Байдэн патэлефанаваў Эрдагану, каб павіншаваць яго з перамогай на прэзідэнцкіх выбарах у Турцыі ў нядзелю. Яны абмеркавалі ўступленне Швецыі ў NATO і пастаўкі знішчальнікаў F-16.
Прэзідэнт ЗША Джо Байдэн заявіў у тэлефоннай размове з прэзідэнтам Турцыі Рэджэпам Таіпам Эрдаганам, што ён хоча, каб Анкара адмовілася ад сваіх пярэчанняў супраць уступлення Швецыі ў NATO, паведамляе «Еўрапейская праўда».
«Я размаўляў з Эрдаганам. Я павітаўся з Эрдаганам. Ён усё яшчэ хоча папрацаваць над чымсьці, над F-16. Я сказаў яму, што мы хочам заключыць здзелку са Швецыяй, так што давайце зробім гэта. І мы зноў будзем на сувязі адзін з адным», — сказаў Байдэн журналістам перад ад'ездам з Белага дома ў штат Дэлавэр.
Адказваючы на пытанне, ці чакае ён ад Эрдагана нейкіх зрухаў у пытанні сяброўства Швецыі ў NATO, Байдэн сказаў, што гаварыў пра гэта з турэцкім прэзідэнтам.
«Я ўздымаў гэтае пытанне з ім. Мы пагаворым пра гэта больш на наступным тыдні», — адзначыў ён.
Швецыя і Фінляндыя падалі заяўкі на сяброўства ў NATO ў мінулым годзе, але Турцыя і Венгрыя ўсё яшчэ не ўхвалілі заяўку Швецыі.
Турцыя імкнулася купіць у ЗША знішчальнікі F-16 на 20 мільярдаў даляраў і амаль 80 мадэрнізацыйных камплектаў. Але пагадненне затармазілі праз пярэчанні з боку Кангрэса ЗША, якому не падабаецца адмова Анкары ўзгадніць пашырэнне NATO. Адміністрацыя Байдэна неаднаразова заяўляла, што падтрымлівае гэтае пагадненне.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары