Маўрынью абразіў суддзю фіналу ЛЕ на паркоўцы. УЕФА адкрыў расследаванне
Партугальскі спецыяліст, які трэніруе «Рому», лічыць, што брытанскі суддзя сімпатызаваў іспанцам.
УЕФА пачаў разбіральніцтва праз абразы Жазэ Маўрынью на адрас суддзі фіналу ЛЕ, піша «Трыбуна».
Пасля матча, які скончыўся перамогай «Севільі» па пенальці 4:1, Маўрынью на паркоўцы «Пушкаш Арэны» ў Будапешце крыкнуў англійскаму суддзі: «Якая ганьба. Вы — [чортавая] ганьба».
На прэс-канферэнцыі пасля гульні партугальскі спецыяліст заявіў, што «суддзя здаваўся іспанцам», а таксама заявіў: «Спадзяюся, суддзя застанецца ў Лізе чэмпіёнаў, дзе будзе займацца той жа фігнёй, што ён зрабіў сёння, і пакіне нас і Лігу Еўропы ў спакоі».
УЕФА адкрыў дысцыплінарную справу ў дачыненні да Маўрынью за «абразлівыя выразы на адрас афіцыйнай асобы матча».
Пасля даносу Бондаравай раптоўна адмянілі выставу ў музеі Янкі Купалы. Цяпер яна патрабуе на музеі шыльды па-руску23
Каментары