Буйную партыю адзення, абутку і касметыкі агульным коштам больш за 2 мільёны рублёў спрабавалі незаконна ўвезці з Нямеччыны. Каб зэканоміць на мытных плацяжах больш за паўмільёна рублёў, у дакументах не пазначылі часткі тавараў, пра гэта паведамляе Мытны камітэт.
Два грузавыя аўтамабілі, якія належаць казахскаму перавозчыку, заехалі на тэрыторыю ЕАЭС праз пункт пропуску «Грыгораўшчына».
Згодна з дакументамі ў грузавіках перамяшчалі брэндавае адзенне, абутак і касметыку. Пры правядзенні мытнага надгляду віцебскія мытнікі высветлілі, што фактычная колькасць тавараў, якая знаходзілася ў двух транспартных сродках, аказалася больш за заяўленую ў дакументах на 20 тысяч адзінак.
Недакладныя звесткі пра груз дазволілі б знізіць памер выплаты мытных плацяжоў агулам на 550 тысяч рублёў.
У выніку распачатыя адміністрацыйныя працэсы (недэклараванне або даванне недакладных звестак пра тавары).
Санкцыяй артыкула прадугледжаны штраф да 30% ад кошту прадмета адміністрацыйнага правапарушэння.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску12
Каментары