Расійскія медыя пішуць пра тое, што найміты з ПВК «Вагнер» пакідаюць Растоў-на-Доне, які амаль цэлыя суткі знаходзіўся пад іх кантролем.
Фота: «Коммерсант»
Адыход, як пішуць, адбываецца ўрачыста. На стадыёне «Растоў-Арэна» ідзе велізарны бягучы радок: «Мы ўсе адзін народ і змагаемся з адным знешнім ворагам. Верым у рускі народ і нашага прэзідэнта!»
Тэлеканал «Дождь» апублікаваў кароткае відэа, на якім найміты збіраюцца, а натоўп ім апладзіруе з крыкамі «Вагнер» — сіла!».
Пра тое, што многія жыхары Растова падыходзяць да байцоў «Вагнера», развітваюцца і фатаграфуюцца з імі, піша і карэспандэнт «Коммерсанта».
Некаторыя кварталы дагэтуль перакрытыя, там стаіць вайсковая тэхніка. А адзін танк па-ранейшаму знаходзіцца ў варотах цырка.
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары