Эліз-Сафіе, Іларыя-Міраслава, Эван-Лявон, Леў-Тэадор. Якімі імёнамі называлі мінчукі дзяцей у першым паўгоддзі
Большасць бацькоў у сталіцы лічаць за лепшае даваць нованароджаным традыцыйныя імёны. Так, у першым паўгоддзі 2023-га дзяўчатак часцей за ўсё называлі Сафіямі і Евамі, а хлопчыкаў — Міхаіламі і Маркамі.
Па словах начальніка аддзела натарыята, ЗАГСаў і ліцэнзіятаў у сферы юрыдычных паслуг Галоўнага ўпраўлення юстыцыі Мінгарвыканкама Юліі Міхалап, імя Сафія даўно на піку папулярнасці, пішуць Мінск-навіны.
Сёлета ў Мінску на свет з'явіліся 177 маленькіх Сафій. На другім месцы імя Ева. Далей сімпатыі размеркаваліся так:
- Ганна (148);
- Марыя (118);
- Аліса (116).
Пяцёрка самых запатрабаваных мужчынскіх імёнаў выглядае наступным чынам:
- Міхаіл (205);
- Марк (171);
- Мацвей (150);
- Раман (145);
- Максім (140).
Як адзначае эксперт, у пашане ў бацькоў былі таксама рэдкія імёны — Пелагея, Міліса, Зарына, Іна, Арсенцій, Юльян, Фама, Кузьма.
— Дзіцяці можна даць не больш за два імёны, пры гэтым першым паказваецца асноўнае імя, — нагадала Юлія Міхалап. — Галоўны крытэр пры гэтым — захаванне нормаў грамадскай маралі.
У гэтым паўгоддзі сярод падвойных імёнаў сустракаліся— — Алесь-Елісей, Леў-Лявон, Леў-Тэадор, Эван-Лявон, а таксама Іларыя-Міраслава, Марыя-Ева, Мія-Марыя, Эліз-Сафіе.
Дарэчы, за шэсць месяцаў хлопчыкаў у сталіцы нарадзілася больш, чым дзяўчынак: 3716 супраць 3 377.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары