У найбліжэйшы час пачнуць складаць археалагічныя карты ўсіх раёнаў Беларусі — Лакіза
Дырэктар Інстытута гісторыі Нацыянальнай акадэміі навук Беларусі Вадзім Лакіза паведаміў журналістам, што праца па складанні археалагічных картаў раёнаў Беларусі будзе скіраваная на развіццё археалагічнага турызму.
«Я за выкарыстанне гісторыка-культурнай спадчыны ў практычных мэтах на карысць нашай краіны, нашых нацыянальных інтарэсаў», — сказаў кіраўнік Інстытута гісторыі.
Каментуючы прэтэнзіі грамадскасці да якасці раскопак і рэстаўрацыі гістарычных аб'ектаў, напрыклад, Крэўскага замка, Лакіза адзначыў, што «турысты — не прафесіяналы», яны «запомняць аб'ект такім, якім убачаць».
Адмыслоўцы, якія заўважаюць недахопы, на яго думку, «павінны паразмаўляць паміж сабой, абмеркаваць памылкі» без прыцягнення шырокай грамадскасці».
НАНБ выдала 130 дазволаў на правядзенне археалагічных раскопак у Беларусі.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары