Матч прайшоў у Прышціне і скончыўся перамогай касавараў 4:1.
БАТЭ першым адкрыў лік: на 10-й хвіліне вызначыўся Дзяніс Лапцеў.
А потым у другім тайме «Балкані» забіў чатыры разы.
Спачатку вызначыўся Байрам Яшаніца, потым дубль аформіў Блеарт Талай, а фінальную кропку паставіў Арменд Тачы.
Матч у адказ — у наступны чацвер у Венгрыі. Пераможца двубою трапіць у групавы турнір Лігі канферэнцый — трэці па значнасці турнір еўракубкаў.
Апошні раз беларускія клубы гулялі ў групавым турніры ў сезоне 2018/2019. Гэта быў акурат БАТЭ, які гуляў у Лізе Еўропы з «Чэлсі», венгерскім «МОЛам» і грэцкім ПАОКам. Барысаўскі клуб тады заняў другое месца і выйшаў у плэй-оф, дзе ў 1/16 фіналу згуляў з лонданскім «Арсеналам» (1:0, 0:3).
Нагадаем, што ў гэтым годзе БАТЭ стартаваў у кваліфікацыі Лігі чэмпіёнаў, прайшоў першы этап, абыграўшы албанскі «Партызані», разгромна двойчы саступіў у другім раўндзе кіпрскаму «Арысу», выбыў у кваліфікацыю Лігі Еўропы, дзе таксама не затрымаўся, прайграўшы малдаўскаму «Шэрыфу».
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары