Зяленскаму паказалі словы Ціханоўскай пра дапамогу ў вызваленні Беларусі. Вось як ён адрэагаваў
У інтэрв'ю ўкраінскай журналістцы Наталлі Масяйчук прэзідэнт Украіны Уладзімір Зяленскі выказаўся наконт лёсу Беларусі.
Журналістка ў канцы размовы з Зяленскім уключыла яму кавалак свайго інтэрв'ю са Святланай Ціханоўскай (яно выйшла два месяцы таму). Там палітык казала, што не выключае, што можа звярнуцца да Зяленскага з просьбай вызваліць Беларусь.
Прэзідэнт Украіны пракаментаваў пачутае.
«Я лічу, што перамога Украіны паставіць кропку», — адзначыў ён і ўдакладніў, што перамога вырашыць пытанне не толькі Беларусі, але і Малдовы, і Грузіі.
«Я ўпэўнены, перамога Украіны дасць магчымасць палітычнаму рашэнню дэмакратыі і вяртанню цэласнасці тых дзяржаў», — сказаў Зяленскі.
«Я ўпэўнены, не трэба думаць спадарыні Ціханоўскай пра арміі іншых дзяржаў», — дадаў ён.
Святлана Ціханоўская пасля 2020 года не наведвала Украіну. Яна тлумачыла, што для гэтага, з улікам яе статусу ў Літве, дзе жыве палітык, мусіць быць адмысловае запрашэнне з боку ўкраінскіх улад. Але з Міхаілам Падаляком сустракаліся іншыя прадстаўнікі Офіса — Павел Латушка (у маі 2023-га), Валер Кавалеўскі (у чэрвені).
Ціханоўская бачылася з Зяленскім на ўручэнні прэміі Карла Вялікага ў Аахене. Яны паціснулі адно аднаму рукі.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА21
Каментары
але спытаю яшчэ раз -
КАЛІ ЎЖО УКРАІНЕЦ БУДЗЕ КІРАВАЦЬ УКРАІНАЙ?
гэтаксама - калі беларуска будзе кіраваць Беларуссю?
Гэта сапраўдная ганьба для беларускі!