Здарэнні44

Пад Іўем прарвала дамбу, адкрытую год таму з удзелам міністра

Крыху больш за год таму міністр прыродных рэсурсаў і аховы навакольнага асяроддзя Андрэй Худык адкрыў у аграгарадку Трабы Іўеўскага раёна ўпарадкаваную зону адпачынку. У яе ўваходзіла і створанае пры дапамозе дамбы возера, куды міністр урачыста запусціў рыбу. Але 1 верасня дамбу прарвала, і вадаём значна змялеў цягам гадзіны, даведалася «Люстэрка» ад мясцовага жыхара.

Так выглядала сажалка ў Трабах 2 верасня 2023 года. Фота: «Люстэрка»

Паводле чытача «Люстэрка», сажалку на рацэ Кляве ў Трабах стварылі больш за 30 гадоў таму. Праўда, 10 гадоў таму дамбу прарвала ўпершыню, і мясцовыя жыхары сваімі сіламі спрабавалі ўсё аднавіць.

«А летась умяшалася міністэрства, — працягвае суразмоўца. — Толкам яны нічога не зрабілі: пачысцілі берагі, паставілі дзве альтанкі і зрабілі пляж. Адкрывалі ўсё з удзелам міністра.

Але на справе атрымалася так, што вада ішла ў возера вадаспадам і пад вялікім ціскам. Мясцовыя папярэджвалі, што канструкцыя не вытрымае, бо дамба незабетанаваная, але ніхто не слухаў. І на працягу года напор вады вымыў за ёй яму».

Як удакладняе мужчына, гэтую яму рыбакі заўважылі яшчэ зімой і разам з суседзямі спрабавалі засыпаць самастойна. А потым за тым, што адбываецца, асабліва не сачылі, ды і да мясцовых уладаў не звярталіся: «Яны ж зрабілі рэканструкцыю, значыць, ім лепш відаць як правільна».

Але ў мінулую пятніцу жыхары аграгарадка заўважылі сур'ёзную праблему.

«У нас была здагадка, што зямлю з-пад дамбы вымывае зноў. Але ніхто не правяраў, бо гэта небяспечна, — распавядае відавочца. —

І вось у пятніцу ўсё адбылося імгненна: пачаўся вір, і вада сышла з возера. У выніку яе ўзровень упаў амаль да нуля, рыба загінула. Худык прымчаўся з Мінска праз дзве гадзіны пасля здарэння, толькі нічога потым не адбылося. Проста прыехаў, паглядзеў — і ўсё, у выхадныя ніякіх рухаў не было. І сёння, [4 верасня,] нічога там не адбываецца.

Атрымліваецца, уся рэканструкцыя праваленая, а возера прастаяла толькі год. Думаю, зноў будуць рабіць, але гэта ж яшчэ грошы».

Па каментар з нагоды здарэння ў Трабскі сельскі Савет звярнуліся журналісты блога «Людзі». Старшыня сельсавета Валянціна Марусава ў адказ на пытанне аб сітуацыі з дамбай і возерам заявіла, што пытанне ўжо вырашаецца.

— Усё ў нас добра. Работы ідуць, усё аднаўляецца. У нас быў вельмі моцны ўраган, і гэта проста яго наступствы. Да гэтага часу ёсць паваленыя дрэвы, таму ўсё гэта ліквідуецца. Як і па ўсёй рэспубліцы. Лясніцтва працуе, ратавальнікі — усе працуюць.

— Гэта значыць, усё адновяць, падставы для перажыванняў у людзей няма?

— Я не разумею, хто перажывае, пра што вы? Ніякай панікі ў нас няма. Гэта наступствы ўрагану, які прайшоў. Як і ўсюды, у нас усё прыбіраецца.

Каментары4

  • Анж
    04.09.2023
    Стабільнасць працякла... бывае
  • "На шерсти закорело"
    04.09.2023
    Ёсік
  • Aldr
    04.09.2023
    Грошыкiадмылi

«Яна не ў турме, а на спецдачы КДБ!» Канспіролагі накінуліся на Калеснікаву12

«Яна не ў турме, а на спецдачы КДБ!» Канспіролагі накінуліся на Калеснікаву

Усе навіны →
Усе навіны

Пуцін хоча вярнуць Курскую вобласць да інаўгурацыі Трампа?9

Чарга з легкавікоў вярнулася на польскай мяжы

Алексіевіч: Пад сцягам Пуціна збіраецца ўсё фашыствуючае ў свеце11

У Абхазіі перакрылі дарогі, патрабуючы вызваліць затрыманых актывістаў апазіцыі. Што вядома1

У інтэрнэт злілі канфідэнцыйнае дасье на найбольш верагоднага кіраўніка Дзярждэпа пры Трампе. Чаго чакаць Беларусі?12

Журналісты назвалі імёны імаверных забойцаў лётчыка-перабежчыка Максіма Кузьмінава2

Пуцін даў пасмяротна Героя Расіі генералу, які загінуў у п'яным ДТЗ на матацыкле2

ТАСС апісала, як людзі з Курскай вобласці вяртаюцца ў разрабаваныя УСУ дамы. Але ў тым горадзе стаяла толькі расійская армія

У Мінску будуюць завод, які зможа перапрацоўваць усё смецце сталіцы11

больш чытаных навін
больш лайканых навін

«Яна не ў турме, а на спецдачы КДБ!» Канспіролагі накінуліся на Калеснікаву12

«Яна не ў турме, а на спецдачы КДБ!» Канспіролагі накінуліся на Калеснікаву

Галоўнае
Усе навіны →