Растоўскі мітрапаліт заявіў, што горад падчас чэрвеньскага маршу ПВК «Вагнер» выратаваў абраз Маці Божай
«І ўжо потым чыста па часе мы зразумелі, што калі мы пачалі служыць малебен, менавіта тады пачаліся перамовы, пайшлі першыя словы прымірэння».
Кіраўнік Данской епархіі мітрапаліт Меркурый распавёў у інтэрв'ю «Дон-ТВ», што 24 чэрвеня святары адслужылі малебен перад Данскім абразом Божай Маці.
Прэс-сакратар мітраполіі Ігар Пятроўскі растлумачыў выданню «Пад'ём», што рашэнне аб тэрміновым набажэнстве прымалася зыходзячы з напружанай абстаноўкі, і ўжо пазней стала зразумела, што падчас службы пачаліся перамовы.
«У цэнтры горада лёгка магла пачацца маленькая грамадзянская вайна, гэта было вельмі страшна. У народзе было вельмі вялікае напружанне. І тады ўладыка прыняў рашэнне сабраць людзей перад Данскім абразом Божай Маці, гэта самы шанаваны абраз у нас на Доне, менавіта перад гэтым абразом гістарычна людзі маліліся, атрымліваючы збавенне ад сур'ёзных непрыемнасцяў, у тым ліку і ваенных. Самы вядомы выпадак — гэта 1591 год, калі дзіўным чынам пасля малітвы без адзінага стрэлу войска хана Казы-Гірэя адышло ад Масквы. Мітрапаліт вырашыў здзейсніць такі ж малебен перад галоўнай святыняй нашага рэгіёна. Прыйшлі людзі, і мы здзейснілі малебен, просячы Багародзіцу, каб яна супакоіла нашых вось гэтых гасцей і каб без кровапраліцця завяршылася ўся гэтая гісторыя.
Праз паўтары гадзіны прыйшло паведамленне, што ПВК «Вагнер» знімаецца і адыходзіць з Растова. І ўжо потым чыста па часе мы зразумелі, што калі мы пачалі служыць малебен, менавіта тады пачаліся перамовы, пайшлі першыя словы прымірэння. Таму многія жыхары Растова, бачачы такія невыпадковыя выпадковасці, падзякавалі Божай Маці за тое, што горад застаўся некрануты, і што без праліцця ніводнай кроплі крыві гэтая вайсковая арганізацыя пакінула горад. Дзясяткі тысяч людзей лічаць, што Маці Божая зрабіла чарговы раз, як у 1591 годзе, такі дзіўны цудоўны эфект».
24 чэрвеня ў Растоў-на-Доне ўвайшлі танкі і іншая вайсковая тэхніка ПВК «Вагнер» пасля таго, як заснавальнік кампаніі Яўген Прыгожын абвясціў аб «маршы справядлівасці» на Маскву.
Пазней вечарам Аляксандр Лукашэнка заявіў, што правёў перамовы з Прыгожыным, рух калоны ў іншых рэгіёнах быў спынены, увечары байцы пакінулі Растоў.
23 жніўня Яўген Прыгожын загінуў у авіякатастрофе.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў3
Каментары
так і называецца?
шо ён курыць?