Расійскі пілот, які перагнаў ва Украіну верталёт Мі-8, атрымае паўмільёна даляраў
Пілот перамешчанага ва Украіну расійскага верталёта Мі-8 28-гадовы Максім Кузьмінаў атрымае ўзнагароду — 500 тысяч даляраў у грыўневым эквіваленце. Украінская разведка заклікае расіян узяць з яго прыклад, піша «Украінская праўда», спасылаючыся на прадстаўніка Галоўнага ўпраўлення разведкі ўкраінскага Міністэрства абароны Андрэя Юсава.
Пра тое, што расійскі пілот за свой учынак атрымае ад украінскай дзяржавы прэмію паўмільёна даляраў, Андрэй Юсаў заявіў у эфіры нацыянальнага тэлемарафону:
«Вядома, у нацыянальнай валюце. Ёсць афіцыйнае заканадаўства, адпаведны закон, падпісаны прэзідэнтам Украіны ў красавіку 2022 года аб адпаведнай кампенсацыі ў выпадку, калі чалавек пераходзіць на бок Украіны разам з тэхнікай.
Украіна — дэмакратычная прававая дзяржава, мы і ўласныя абавязанні выконваем, і міжнароднага права. Таму яшчэ раз — тыя расіяне, якія не хочуць станавіцца ваеннымі злачынцамі, калі ласка, здавайцеся, пераходзьце на ўкраінскі бок і абараняйце ўжо ўласны гонар і сумленне, змагайцеся супраць пуцінскага рэжыму».
23 жніўня стала вядома, што нядаўна верталёт Мі-8 Узброеных сіл Расіі апынуўся ва Украіне ў выніку працяглай спецаперацыі Галоўнага ўпраўлення разведкі Міністэрства абароны Украіны. Пілот і ягоная сям'я знаходзяцца ва Украіне, сям'ю загадзя вывезлі з РФ.
«У нас лётчыкі лётаюць без зброі». Расійскі пілот распавёў, як пераганяў ва Украіну Мі-8 і ўгаворваў экіпаж здацца
Спецаперацыя «Сініца»: Расійскі пілот распавёў, як пераганяў Мі-8 з Расіі ва Украіну
У сеціве з'явіліся фатаграфіі расійскага верталёта, які прызямліўся на ўкраінскай авіябазе
Кірыла Буданаў расказаў, як украінскай разведцы ўдалося завабіць расійскага пілота верталёта Мі-8 разам з тэхнікай ва Украіну
Разведка выманіла ва Украіну расійскі верталёт Мі-8 з каштоўным грузам
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары