Багатыя таксама плачуць. Расійскі алігарх распавёў, як прайшоў вобшук у яго асабняку ў Лондане. «Я адчуваў сябе прыніжаным»
Міхаіл Фрыдман праз амаль год упершыню распавёў The Times, як у Лондане абшукалі яго асабняк. Вобшук адбыўся па падазрэнні ў адмыванні грошай, змове з мэтай падману Міністэрства ўнутраных спраў Вялікабрытаніі і змове з мэтай дачы лжывых паказанняў. Паліцэйскія ўварваліся ў лонданскі дом Фрыдмана коштам 65 мільёнаў фунтаў стэрлінгаў. «Медуза» зрабіла кароткі пераказ інтэрв’ю, апублікаванага 15 верасня.
Раніцай 1 снежня 2022 года мяне патрывожылі крыкі, выццё сірэн і дзясяткі ўзброеных паліцэйскіх у масках, якія рваліся ў мой дом. Агенты NCA [Нацыянальнага агенцтва па барацьбе са злачыннасцю Вялікабрытаніі] выбралі бессэнсоўную тактыку. Калі на мяне надзелі кайданкі і зачыталі тэкст ордара, я не паверыў вушам. Праз абсалютна простую справу паліцыянты правялі цэлую спецаперацыю, заблакаваўшы ўвесь раён. Пасля таго як справу закрылі, я ўсё яшчэ асцерагаюся, што хтосьці з паліцыі або NCA захоча паставіць на месца гэтага напышлівага расійскага алігарха.
Падобна да таго, што быць багатым рускім, без выключэнняў, лічыцца злачынствам. Я ніколі не парушаў закона, ні ў адной краіне свету. Ці апраўданыя выдаткі падаткаплацельшчыкаў Вялікабрытаніі на шматмесячнае расследаванне? Самае непрыемнае, што я адчуваў сябе прыніжаным і неабароненым у краіне, якая па праве ганарыцца абаронай правоў і свабоды сваіх грамадзян. Я доўга жыў у Расіі, у краіне, якая перажыла шмат цяжкіх крызісаў, таму ніколі не губляў адчування ўнутранага напружання, быў гатовы, што сітуацыя можа рэзка змяніцца. Адной з пераваг жыцця ў Лондане стала камфортнае адчуванне спакою і стабільнасці. На жаль, цяпер гэта адчуванне страчана.
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары