«З якіх гэта часоў у Беларусі штрафуюць за кармленне галубоў?» У Малінаўцы пабачылі дзіўную абʼяву
Адразу два чытачы даслалі Onliner фоты з мінскага мікрараёна Малінаўка. Побач з 5-й паліклінікай зʼявілася таблічка з папярэджаннем: карміць птушак забаронена, штраф — 20 базавых. «З якіх гэта часоў у Беларусі штрафуюць за кармленне галубоў на вуліцы?» — такое пытанне накіраваў чытач у рэдакцыю.
Памер базавай велічыні складае 37 рублёў. Адпаведна, у абʼяве гаворыцца аб штрафе памерам аж да 740 рублёў.
Побач раз-пораз ходзяць галубы, відавочна іх прыцягвае гэтае месца. Няўжо ў Беларусі і праўда можна атрымаць рэальны штраф за іх кармленне?
Цяперашняй вясною ў тэлеграм-канале «ЖКХ Минск Официально» разбіралі пытанне: «Што рабіць, калі суседзі кормяць з акна птушак, тым самым забруджваючы двор? Ці прадугледжана за гэтае пакаранне?»
Вось як адказалі ў ЖКГ: «Грамадзяне абавязаны ўтрымліваць у чысціні і парадку жылыя памяшканні, уключаючы дапаможныя, балконы і лоджыі, не смеціць у кабінах ліфтаў, дапаможных памяшканнях жылых дамоў і на прыдамавой тэрыторыі. Парушэнне Правілаў […] цягне накладанне штрафу ў памеры да 20 базавых велічынь, а на юрыдычную асобу — ад 30 да 60 базавых велічыняў».
Юрыст Іван Райкевіч кажа, што атрымаць штраф можна пры пэўных абставінах:
«Усё не так страшна, і за кармленне птушак ніхто вам штраф не выпіша, калі рабіць гэта разумна.
Мяркую, пры складанні тэксту на шыльдзе кіраваліся п. 4 арт. 22.12 КаАП — менавіта ў гэтым пункце прапісаны штраф да 20 базавых велічынь, які можна атрымаць пры парушэнні п. 7.5 правілаў карыстання жылымі памяшканнямі. У п. 7.5 гаворыцца наступнае: «Грамадзяне абавязаны трымаць у чысціні і парадку жылыя памяшканні, уключаючы дапаможныя, балконы і лоджыі, не смеціць у кабінах ліфтаў, дапаможных памяшканнях жылых хат і на прыдамовай тэрыторыі».
Але паколькі таблічка знаходзіцца на тэрыторыі паліклінікі, неабходна прымяняць арт. 16.44 КаАП Рэспублікі Беларусь, гэтым артыкулам прадугледжаны штраф да 1110 беларускіх рублёў. І ён прадугледжаны не за факт кармлення птушкак, а за забруджванне тэрыторый.
Зыходзячы са зместу нормы права, можна зрабіць выснову: калі вы будзеце кідаць хлеб, семечкі і іншае ў надзеі, што птушкі склююць, — ёсць рызыка атрымаць штраф.
Але калі вы будзеце карміць птушак, кладучы ежу ў кармушкі, ні пра які штраф не можа ісці і гаворкі.
Дадам, што калі выкідваеце смецце з акна аўтамабіля ці чыгуначнага транспарту, за гэта можна атрымаць штраф ад 37 да 74 беларускіх рублёў. Калі выкідваеце смецце ў лесе — штраф да 370 беларускіх рублёў. Будзеце выкідваць смецце ў ваду — штраф да 740 беларускіх рублёў», — тлумачыць юрыст.
Насамрэч за «кармленне галубоў» найменей з 2018 года ў Беларусі штрафуюць і затрымліваюць. «Кармленнем галубоў» называлі свае акцыі супраць будаўніцтва акумулятарнага завода жыхары Брэста. У 2020 годзе такія акцыі праходзілі ва ўсёй краіне як схаваная форма пратэсту супраць рэжыму Лукашэнкі.
Каментары