«Ź jakich heta časoŭ u Biełarusi štrafujuć za karmleńnie hałuboŭ?» U Malinaŭcy pabačyli dziŭnuju abjavu
Adrazu dva čytačy dasłali Onliner foty ź minskaha mikrarajona Malinaŭka. Pobač z 5-j paliklinikaj zjaviłasia tablička z papiaredžańniem: karmić ptušak zabaroniena, štraf — 20 bazavych. «Ź jakich heta časoŭ u Biełarusi štrafujuć za karmleńnie hałuboŭ na vulicy?» — takoje pytańnie nakiravaŭ čytač u redakcyju.
Pamier bazavaj vieličyni składaje 37 rubloŭ. Adpaviedna, u abjavie havorycca ab štrafie pamieram až da 740 rubloŭ.
Pobač raz-poraz chodziać hałuby, vidavočna ich pryciahvaje hetaje miesca. Niaŭžo ŭ Biełarusi i praŭda možna atrymać realny štraf za ich karmleńnie?
Ciapierašniaj viasnoju ŭ telehram-kanale «ŽKCH Minsk Oficialno» raźbirali pytańnie: «Što rabić, kali susiedzi kormiać z akna ptušak, tym samym zabrudžvajučy dvor? Ci praduhledžana za hetaje pakarańnie?»
Voś jak adkazali ŭ ŽKH: «Hramadzianie abaviazany ŭtrymlivać u čyścini i paradku žyłyja pamiaškańni, uklučajučy dapamožnyja, bałkony i łodžyi, nie śmiecić u kabinach liftaŭ, dapamožnych pamiaškańniach žyłych damoŭ i na prydamavoj terytoryi. Parušeńnie Praviłaŭ […] ciahnie nakładańnie štrafu ŭ pamiery da 20 bazavych vieličyń, a na jurydyčnuju asobu — ad 30 da 60 bazavych vieličyniaŭ».
Juryst Ivan Rajkievič kaža, što atrymać štraf možna pry peŭnych abstavinach:
«Usio nie tak strašna, i za karmleńnie ptušak nichto vam štraf nie vypiša, kali rabić heta razumna.
Miarkuju, pry składańni tekstu na šyldzie kiravalisia p. 4 art. 22.12 KaAP — mienavita ŭ hetym punkcie prapisany štraf da 20 bazavych vieličyń, jaki možna atrymać pry parušeńni p. 7.5 praviłaŭ karystańnia žyłymi pamiaškańniami. U p. 7.5 havorycca nastupnaje: «Hramadzianie abaviazany trymać u čyścini i paradku žyłyja pamiaškańni, uklučajučy dapamožnyja, bałkony i łodžyi, nie śmiecić u kabinach liftaŭ, dapamožnych pamiaškańniach žyłych chat i na prydamovaj terytoryi».
Ale pakolki tablička znachodzicca na terytoryi palikliniki, nieabchodna prymianiać art. 16.44 KaAP Respubliki Biełaruś, hetym artykułam praduhledžany štraf da 1110 biełaruskich rubloŭ. I jon praduhledžany nie za fakt karmleńnia ptuškak, a za zabrudžvańnie terytoryj.
Zychodziačy sa źmiestu normy prava, možna zrabić vysnovu: kali vy budziecie kidać chleb, siemiečki i inšaje ŭ nadziei, što ptuški sklujuć, — jość ryzyka atrymać štraf.
Ale kali vy budziecie karmić ptušak, kładučy ježu ŭ karmuški, ni pra jaki štraf nie moža iści i havorki.
Dadam, što kali vykidvajecie śmiećcie z akna aŭtamabila ci čyhunačnaha transpartu, za heta možna atrymać štraf ad 37 da 74 biełaruskich rubloŭ. Kali vykidvajecie śmiećcie ŭ lesie — štraf da 370 biełaruskich rubloŭ. Budziecie vykidvać śmiećcie ŭ vadu — štraf da 740 biełaruskich rubloŭ», — tłumačyć juryst.
Nasamreč za «karmleńnie hałuboŭ» najmieniej z 2018 hoda ŭ Biełarusi štrafujuć i zatrymlivajuć. «Karmleńniem hałuboŭ» nazyvali svaje akcyi suprać budaŭnictva akumulatarnaha zavoda žychary Bresta. U 2020 hodzie takija akcyi prachodzili va ŭsioj krainie jak schavanaja forma pratestu suprać režymu Łukašenki.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary