З аўкцыёну паспрабуюць прадаць буйны лот — вядомы гарналыжны спартыўна-аздараўленчы комплекс «Лагойск». Прапанова з'явілася на пляцоўцы «Белрэалізацыі».
Таргі па комплексе пройдуць 1 лістапада, заяўкі будуць прымаць ад 2 да 31 кастрычніка.
У пералік маёмасці ўваходзіць шмат рознага дабра. Напрыклад, гасцявыя дамы на розную колькасць нумароў, лазня з трэнажорнай залай, сауна, пункт пракату на 1500 наведвальнікаў, парк вяровачных забаў і пейнтбол, мноства дзіцячых гарадкоў, шмат мэблі, музычнага абсталявання, некалькі атракцыёнаў і нават ветразевае абсталяванне для дзіцячага карабля.
Ну і, вядома, снегавыя гарматы і гарналыжныя трасы.
Уладальнік усяго гэтага дабра — ТАА «Трайпл», які належыць апальнаму буйному бізнэсмену Юрыю Чыжу.
Пачатковы кошт — 23 998 669 рублёў (каля 7 351 857 даляраў).
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»37
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары