Віцябчук адсудзіў у камунальнікаў і «Белдзяржстраха» амаль 14 тысяч рублёў за кватэру. Яе цягам двух месяцаў залівала двойчы
Першы раз гэта здарылася 15 снежня 2022 года. Не паспеў мужчына ўсё прывесці ў парадак, як 9 студзеня 2023 года яго кватэру зноў заліло.
Агулам пацярпела сем дзвярэй, падлога і маёмасць у кватэры, паведамляе «Камсамолка».
У мужчыны былі з сабой акты, складзеныя работнікамі ЖЭУ. З гэтымі паперамі, квітанцыямі ад клінінгавай службы на 650 рублёў і чэкамі з крамаў на 165 рублёў ён звярнуўся ў суд.
Кошт рамонту і памер шкоды склалі 11 785 рублёў.
Акрамя таго, мужчына заявіў і маральную шкоду ў 5 тысяч рублёў. Ён патлумачыў гэта тым, што з прычыны ўтварэння плесні, з'яўлення затхлага паху і мошак у кватэры, ён не можа знаходзіцца ў ёй на працягу доўгага часу. Таксама ён пазначыў, што ў кватэры не было адноўлена гарачае і халоднае водазабеспячэнне, не падключаны газ і не працуе каналізацыя.
Віцябчук прасіў спагнаць з ЖЭУ і «Белдзяржстраха» 12 500 рублёў на пакрыццё страт, няўстойку за парушэнне тэрмінаў адказу камунальнікаў памерам 13,6 тысячы рублёў, а таксама кампенсацыю маральнай шкоды 5 тысяч рублёў і пакрыццё судовых выдаткаў.
Камунальнікі былі гатовыя пакрыць толькі 3,2 тысячы рублёў, а «Белдзяржстрах» не прызнаў пазоў.
Суд пастанавіў спагнаць з «Белдзяржстраха» 10 500 рублёў, на пакрыццё расходаў па вызначэнні шкоды 144,44 рубля, а таксама пакрыццё расходаў па аплаце дапамогі прадстаўніка на 50 рублёў.
Таксама суд прыняў рашэнне спагнаць з жыллёвага рамонтна-эксплуатацыйнага трэста Віцебска на карысць мужчыны няўстойку за парушэнне тэрміну выканання патрабавання аб кампенсацыі на 1000 рублёў і грашовую кампенсацыю маральнай шкоды 500 рублёў і пакрыццё расходаў па аплаце дапамогі прадстаўніка на 250 рублёў.
-
Польскі банк Millennium папярэдзіў беларусаў без ДНЖ пра блакаванне аперацый на рахунках з 12 снежня
-
У беларускі ў Італіі забралі двух сыноў — бо яна не прызнавала дзяржаву і не адпускала дзяцей у школу і да доктара
-
Каранік не забраў з сабой у Мінск падпалкоўніка, які быў яго прэс-сакратаром. Таму знайшлі новае месца
Цяпер чытаюць
У беларускі ў Італіі забралі двух сыноў — бо яна не прызнавала дзяржаву і не адпускала дзяцей у школу і да доктара6
Каментары