Амерыканскае арніталагічнае таварыства абвясціла пра змену назваў птушак, якія можна расцаніць як расісцкія. Рэч у тым, што шматлікія птушкі былі названыя ў гонар людзей, якія пры жыцці прасоўвалі расісцкія погляды.
Так, напрыклад, мухалоўка Хаманда названая ў гонар колішняга генеральнага хірурга ЗША Аляксандра Хаманда, які пісаў, што цемнаскурыя людзі «па сваіх разумовых і фізічных здольнасцях мала ў чым перасягаюць малпу».
Гэтыя змены прапанавала грамадская ініцыятыва Bird Names for Birds. Паводле яе, увекавечанне імёнаў такіх людзей раўназначна ўзвядзенню статуі ў іх гонар. Усяго плануюць перайменаваць каля 80 птушак у ЗША і Канадзе.
Каментары