Палёт «Апалон-8» стаў велізарным поспехам для НАСА і падрыхтаваў глебу для высадкі амерыканцаў на Месяц, якая адбылася ўжо ў 1969-м годзе.
У ЗША ва ўзросце 95 гадоў памёр Фрэнк Борман, камандзір касмічнага карабля «Апалон-8», які ў 1968-м годзе здзейсніў гістарычную місію да Месяца, паведамляе RTVi.
Астранаўт памёр 7 лістапада ў Білінгсе, штат Мантана, пасля перанесенага інсульту ў доме састарэлых, паведаміў прадстаўнік сям'і Бормана.
Свой першы палёт у космас ураджэнец штата Індыяна здзейсніў у 1965-м годзе. У якасці камандзіра «Джэміні-7» Борман даследаваў магчымасці стыкоўкі двух касмічных караблёў у космасе. Адначасна экіпаж Бормана ўстанавіў рэкорд працягласці на той момант касмічных палётаў. «Джэміні-7» правёў у космасе 14 сутак.
Аднак, больш вядомы другі касмічны палёт Бормана. У снежні 1968-га года ўзначаленая ім місія «Апалон-8», у складзе якой таксама былі Джэймс Ловел і Уільям Андэрс, здзейсніла першы арбітальны аблёт Месяца.
Астранаўты здзейснілі 10 віткоў вакол Месяца, стаўшы першымі людзьмі, якія ўбачылі адваротны бок натуральнага спадарожніка Зямлі.
Палёт «Апалон-8» стаў велізарным поспехам для НАСА і падрыхтаваў глебу для высадкі амерыканцаў на Месяц, якая адбылася ўжо ў наступным 1969-м годзе.
Сам жа Борман, які стаў папулярным пасля паспяховай місіі да Месяца, у ліпені 1969-га года злётаў у Савецкі Саюз. Астранаўт наведаў Зорны гарадок і абмяркоўваў з савецкімі лідарамі арганізацыю сумеснай савецка-амерыканскай місіі да Месяца, якая так і не адбылася.
У 1970-м годзе Борман звольніўся з НАСА ў званні палкоўніка. Затым ён працаваў віцэ-прэзідэнтам авіякампаніі Eastern Air Lines, пісаў мемуары, выступаў на тэлебачанні. Пасля смерці савецкага касманаўта Анатоля Філіпчанкі ў жніўні 2022 года ва ўзросце 94 гадоў, Борман заставаўся найстарэйшым з жывых людзей, якія пабывалі ў космасе.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары