«Генацыд беларускага народа адбываецца проста цяпер». Ціханоўская пракаментавала падручнікі па генацыдзе
У Мінску Міністэрства адукацыі і генеральная пракуратура прэзентавалі новыя школьныя падручнікі па генацыдзе беларускага народа ў гады Вялікай Айчыннай вайны. Дзецям усіх класаў будуць распавядаць новую версію гісторыі. Лідарка беларускай апазіцыі адрэагавала на гэта.
«Генацыд беларускага народа не застаўся ў 1940-х гадах — ён адбываецца ў Беларусі проста цяпер.
У турмах, дзе палітвязняў пазбаўляюць дапамогі, медыкаментаў і рэчаў першай неабходнасці, асуджаючы на павольную смерць. У РУУС, дзе з людзей сілай выбіваюць паказанні і прымушаюць запісаць пакаянныя відэа. У школах і ўніверсітэтах, дзе людзі ў пагонах падмяняюць адукацыю ідэалогіяй — і ламаюць лёсы маладых людзей за любыя спробы пайсці супраць сістэмы», — гаворыць яна.
Паводле слоў Ціханоўскай, такія структуры як ГУБАЗіК і АМАП, якія, здавалася б, павінны абараняць беларусаў, сталі сапраўднымі карнікамі. А рэжымныя ідэолагі сталі тымі, хто бязлітасна знішчае нацыянальную ідэнтычнасць.
«У падручніках, напісаных пад дыктоўку прапагандыстаў і сілавікоў, рэжым не раскажа праўду нашым дзецям. Не раскажа пра тое, як дзесяцігоддзямі ліквідуе апанентаў Лукашэнкі. Не раскажа, як тысячамі саджае беларусаў за краты, каб выкараніць любое іншадумства. Там не раскажуць пра тое, як рэжым некалькі разоў перапісваў нашу гісторыю, забараняў любыя згадкі пра нашых герояў і ўносіў у спісы «экстрэмісцкіх матэрыялаў» лепшыя творы беларускіх аўтараў», — кажа яна.
Ціханоўская гаворыць, што Лукашэнка гадамі здраджваў уласным грамадзянам і сваёй краіне дзеля захавання ўлады.
«Але, нягледзячы на гады прапаганды, мы — беларусы — ведаем праўду. Ведаем сваю гісторыю і памятаем сваіх герояў. І наша задача цяпер — не даць прапагандзе пранікнуць у галовы нашых дзяцей», — дадае яна.
«Кубло такое». З перапісак Кабанчука робіцца ясна, чаму Верамейчыка палічылі небяспекай і забаранілі яму ўезд ва Украіну36
Каментары
1) Классическим примером геноцида являецо Холокост. Чтоб понять, что такое геноцид, посьба смотреть соответствующую конвенцию ООН, а не молоть чепуху и произносить слова, значение которых не понимаете.
2) Белорусы никогда не подвергались геноциду. Их не убивали за то, что они белорусы. В отличие от евреев, армян, цыган и тутси в Руанде.
3) Если полуобразованная колхозня с той стороны баррикад говорит глупость и печатает книги о то, чего никогда не было, не надо образованным людям эту глупость повторять и пытаться перекричать колхозню.