«Hienacyd biełaruskaha naroda adbyvajecca prosta ciapier». Cichanoŭskaja prakamientavała padručniki pa hienacydzie
U Minsku Ministerstva adukacyi i hienieralnaja prakuratura prezientavali novyja školnyja padručniki pa hienacydzie biełaruskaha naroda ŭ hady Vialikaj Ajčynnaj vajny. Dzieciam usich kłasaŭ buduć raspaviadać novuju viersiju historyi. Lidarka biełaruskaj apazicyi adreahavała na heta.
«Hienacyd biełaruskaha naroda nie zastaŭsia ŭ 1940-ch hadach — jon adbyvajecca ŭ Biełarusi prosta ciapier.
U turmach, dzie palitviaźniaŭ pazbaŭlajuć dapamohi, miedykamientaŭ i rečaŭ pieršaj nieabchodnaści, asudžajučy na pavolnuju śmierć. U RUUS, dzie ź ludziej siłaj vybivajuć pakazańni i prymušajuć zapisać pakajannyja videa. U škołach i ŭniviersitetach, dzie ludzi ŭ pahonach padmianiajuć adukacyju ideałohijaj — i łamajuć losy maładych ludziej za lubyja sproby pajści suprać sistemy», — havoryć jana.
Pavodle słoŭ Cichanoŭskaj, takija struktury jak HUBAZiK i AMAP, jakija, zdavałasia b, pavinny abaraniać biełarusaŭ, stali sapraŭdnymi karnikami. A režymnyja ideołahi stali tymi, chto biaźlitasna źniščaje nacyjanalnuju identyčnaść.
«U padručnikach, napisanych pad dyktoŭku prapahandystaŭ i siłavikoŭ, režym nie raskaža praŭdu našym dzieciam. Nie raskaža pra toje, jak dziesiacihodździami likviduje apanientaŭ Łukašenki. Nie raskaža, jak tysiačami sadžaje biełarusaŭ za kraty, kab vykaranić luboje inšadumstva. Tam nie raskažuć pra toje, jak režym niekalki razoŭ pierapisvaŭ našu historyju, zabaraniaŭ lubyja zhadki pra našych hierojaŭ i ŭnosiŭ u śpisy «ekstremisckich materyjałaŭ» lepšyja tvory biełaruskich aŭtaraŭ», — kaža jana.
Cichanoŭskaja havoryć, što Łukašenka hadami zdradžvaŭ ułasnym hramadzianam i svajoj krainie dziela zachavańnia ŭłady.
«Ale, niahledziačy na hady prapahandy, my — biełarusy — viedajem praŭdu. Viedajem svaju historyju i pamiatajem svaich hierojaŭ. I naša zadača ciapier — nie dać prapahandzie praniknuć u hałovy našych dziaciej», — dadaje jana.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»23
Kamientary
1) Kłaśsičieskim primierom hienocida javlajeco Chołokost. Čtob poniať, čto takoje hienocid, pośba smotrieť sootvietstvujuŝuju konvienciju OON, a nie mołoť čiepuchu i proiznosiť słova, značienije kotorych nie ponimajetie.
2) Biełorusy nikohda nie podvierhaliś hienocidu. Ich nie ubivali za to, čto oni biełorusy. V otličije ot jevriejev, armian, cyhan i tutsi v Ruandie.
3) Jeśli połuobrazovannaja kołchoźnia s toj storony barrikad hovorit hłuposť i piečatajet knihi o to, čieho nikohda nie było, nie nado obrazovannym ludiam etu hłuposť povtoriať i pytaťsia pieriekričať kołchoźniu.