У Беларусі хаваецца ўкраінскі чыноўнік, які апраўдаў расійскую агрэсію
Следчыя СБУ не назвалі горада і вобласці, дзе цяпер знаходзіцца падазраваны.
Украіна абвясціла ў дзяржаўны, міждзяржаўны і міжнародны вышук чыноўніка з Валынскай вобласці, які апраўдваў расійскую агрэсію супраць украінскай дзяржавы, піша Радыё Свабода.
Як стала вядома з апублікаванага ў Адзіным дзяржаўным рэестры судовага рашэння, абвінавачаны цяпер фактычна пражывае на тэрыторыі Рэспублікі Беларусь і такім чынам «хаваецца ад органаў дасудовага расследавання» і перашкаджае правядзенню аб’ектыўнага расследавання і ўхваленню адпаведных працэсуальных дзеянняў.
У той жа час следчыя СБУ не назвалі горада і вобласці Беларусі, дзе цяпер знаходзіцца падазраваны. Ён з'яўляецца ўраджэнцам горада Камінь-Кашырскі Валынскай вобласці, а крымінальную справу вядзе ўпраўленне Службы бяспекі Украіны ў Валынскай вобласці.
Правапарушэнне грамадзяніна Украіны кваліфікавалі паводле частак 2 і 3 артыкула 436-2 Крымінальнага кодэкса Украіны (3-я частка гэтага артыкула тычыцца апраўдання і прызнання правамоцнай расійскай агрэсіі супраць Украіны «службовымі асобамі, арганізаванай групай або з выкарыстаннем сродкаў масавай інфармацыі». — РС). Яму пагражае пазбаўленне волі на тэрмін ад 5 да 8 гадоў з канфіскацыяй або без яе.
Суд ухваліў рашэнне аб завочным арышце ўкраінца, які хаваецца ад правасуддзя ў Беларусі.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары