Член Савета пры прэзідэнце РФ па міжнацыянальных адносінах Андрэй Худалееў выказаў занепакоенасць з прычыны цікавасці да эльфійскай мовы сярод моладзі.
Паводле яго слоў, гэтая з'ява ўяўляе сабой сур'ёзную пагрозу. Пра гэта ён заявіў у Кургане на форуме «Шматнацыянальная моладзь Зауралля», піша ura.ru.
«У Расіі пры апошнім перапісе насельніцтва афіцыйна была зафіксаваная «эльфійская народнасць». Эльфамі сябе ідэнтыфікавалі крыху больш за 12 тысяч чалавек. < … > Па Канстытуцыі РФ, нацыянальнасць вызначаецца так — хто як сябе назваў, той такім і ёсць. Я б гэтую тэму не падняў, але ў кожным горадзе знаходжу настаўнікаў, якія мне кажуць, што ў іх ёсць дзеці, якія вывучаюць эльфійскую мову. < … > Я з тых часоў у цацкі не гуляю, лічу гэта сур'ёзнай пагрозай», — распавёў Худалееў.
Ён падкрэсліў, што ў «Яндэкс перакладчыку» ёсць пераклад з эльфійскай, але няма многіх рэальных моў РФ.
Выдуманую эльфійскую мову стварыў Дж. Р. Толкін, аўтар твораў «Уладар пярсцёнкаў» і «Хобіт, або туды і назад». Мова была распрацавана як частка створанага пісьменнікам свету і выкарыстоўваецца ў яго кнігах. Яна набыла папулярнасць сярод фанатаў фэнтэзі-эпапеі.
Лукашэнку стала дрэнна на саміце ШАС у Казахстане — Дождь7
Каментары