Грамадства66

Імаверна, затрымалі гендырэктара БЕЛАЗа

Некалькі не звязаных паміж сабой крыніц, якія працуюць на БЕЛАЗе, паведамілі «Люстэрку», што затрыманы генеральны дырэктар прадпрыемства Сяргей Нікіфаровіч. Пазней стала вядома, што на заводзе актыўна абмяркоўваюць гэтую тэму, аднак ніякіх афіцыйных абвестак дагэтуль не было. Вядома, што кіраўніка на працоўным месцы няма — і невядома, калі ён вернецца, піша «Люстэрка».

Сяргей Нікіфаровіч. Фота: belaz.by

Як распавялі крыніцы, Сяргея Нікіфаровіча затрымалі ўвечары 15 снежня. Суразмоўцы «Люстэрка» сцвярджаюць, што з таго часу топ-менеджар завода знаходзіцца ў СІЗА КДБ. Адна з магчымых прычын — карупцыя.

Пры гэтым афіцыйных паведамленняў аб затрыманні дырэктара БЕЛАЗа не было ні ад сілавікоў, ні ад Аляксандра Лукашэнкі, які любіць самастойна паведамляць пра такія рэзанансныя справы.

У панядзелак, 18 снежня, журналіст «Люстэрка» патэлефанаваў у прыёмную Нікіфаровіча. Там заявілі, што яго на працоўным месцы няма.

— Сяргей Алегавіч на нарадзе, — адказала сакратарка.

У сераду, адказваючы на прамое пытанне, ці затрыманы Нікіфіровіч, сакратарка сказала, што ёй нічога пра гэта не вядома:

— На працоўным месцы Сяргея Алегавіча цяпер няма, але пра тое, што яго затрымалі, я нічога не ведаю. Дзякуй, што сказалі.

21 снежня журналісты распачалі апошнюю спробу знайсці Нікіфаровіча: пад выглядам сакратара аднаго з расійскіх партнёраў прадпрыемства журналістка патэлефанавала ў яго прыёмную і паспрабавала прызначыць сустрэчу.

— Да Новага года дакладна няма. Сяргей Алегавіч у адпачынку. Вось пасля і тэлефануйце, калі ласка, — сказала сакратарка генеральнага дырэктара, параіўшы звязацца пасля 8 студзеня, калі БЕЛАЗ выйдзе з вакацый.

З панядзелка па чацвер таксама спрабавалі датэлефанавацца на мабільны тэлефон генеральнага дырэктара, аднак ён не падняў слухаўку.

Сяргей Нікіфаровіч нарадзіўся ў 1979 годзе ў Жодзіне. Працоўную кар'еру пачаў на БЕЛАЗе на пасадзе майстра ўчастка. З 2015 па 2017 гады быў намеснікам старшыні Жодзінскага гарвыканкама, затым перайшоў на працу ў Пінскае ААТ «Кузлітмаш», дзе спачатку працаваў намеснікам дырэктара, а пазней узначаліў прадпрыемства. 21 верасня 2020 года яго прызначалі генеральным дырэктарам ААТ «БЕЛАЗ — кіруючая кампанія холдынгу «БелАЗ-холдынг».

Каментары6

  • Базыль
    21.12.2023
    Няўжо спрабаваў абкрасці Дзіму Лукашэнку і Ганну Сялук?!
  • Я ў мамы прызначаны
    21.12.2023
    І наканавана мне лёсам: хадзіць, сматрэць і падпяваць. Пад ўсяобшчае: "А я ж гаварыў..." і быў БелАЗ а стаў АЗбел і людцы Гаечку падвінцілі, каб пасматрэць які той Bolt іво вязець. Вязець іво ў нявядомыя далі - прам да смаленскае мяжы, а там іво ужэ ўстрычаюць: хто з камянём, хто з кавуном.
  • даведка
    21.12.2023
    Пытался устранить от сбыта белазов семейный подряд из клана Селук?!

Цяпер чытаюць

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней

Усе навіны →
Усе навіны

Пахаладае да 0..+7°С, ноччу да -9°C, чакаецца мокры снег

«Гэта быў жах». Мінчане скінуліся і сваімі сіламі зрабілі цуд у старым пад'ездзе. Глядзіце, як атрымалася і колькі каштавала7

Што чакае Полк Каліноўскага пасля магчымага перамір'я і ці зойдзе УСУ на тэрыторыю Беларусі? Разважае палітолаг Магда7

Трое сябрукоў у крамах пры АЗС шукалі тавары, якія прадаюцца з парушэннямі, а пасля вымагалі грошы ў прадаўцоў2

Літва спрабуе пераканаць ЗША не здымаць санкцыі з беларускага калію5

Беларусы сталі атрымліваць лісты ад махляроў з «нацыянальнай паліцыі па наркотыках»

З сакавіка ўзмацнілі кантроль на літоўскай мяжы? Вось што кажуць4

Разведка Германіі: Пандэмія COVID-19 здарылася праз ўцечку ў КНР7

Далі новыя даты, але не ўсім. Працяг гісторыі з адменамі запісаў на нямецкі шэнген

больш чытаных навін
больш лайканых навін

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней

Галоўнае
Усе навіны →

Заўвага:

 

 

 

 

Закрыць Паведаміць